Si Bryn nagpuyo sa North Carolina, U.S.A., ug membro sa Hospital Liaison Committee, nga nagtabang sa mga ospital sa pag-atiman sa panginahanglan sa mga pasyente nga Saksi ni Jehova.

 Tungod sa COVID-19 nga pandemic, daghang ospital ang dili magpasulod ug mga bisita. Gitawgan ni Bryn ang direktor nga nagdumala sa pagtaganag espirituwal nga suporta sa mga pasyente aron masayran kon unsaon niya pagtabang ang mga Saksi nga pasyente.

 Naestorya ni Bryn ang asistant sa direktor. Tungod sa mga restriksiyon sa pagbisita, nangutana si Bryn kon puwede bang ihatag ang iyang numero sa telepono ngadto sa mga Saksi nga pasyente aron iya silang maestorya. Misugot ang asistant.

 Dayon nakahunahuna si Bryn sa mga empleyado sa ospital. Iyang giingnan ang asistant nga giapresyar niya ang ginahimo sa ospital ug nanghinaot siya nga maayo ra ang ilang panglawas. Siya miingon nga duna siyay nabasahan nga ang mga tawo, ilabina ang mga nagtrabaho sa ospital, nakasinatig grabeng stress tungod sa pandemic.

 Ang asistant miingon nga mas migrabe ang stress diha sa ospital tungod sa COVID-19.

 Dayon si Bryn miingon: “Ang among website dunay impormasyon nga makatabang sa mga tawo sa pag-atubang sa stress. Kon ablihan nimo ang jw.org ug i-type ang ‘stress’ diha sa Search field, makakita kag makapadasig nga mga artikulo para sa imong mga kauban sa ospital.”

 Samtang nag-estorya sila, giablihan sa asistant ang website, gi-type ang “stress” diha sa Search field, ug nakita ang mga artikulo nga gi-feature. “Wow!” miingon siya. “Ako ning ipakita sa direktor. Makatabang ni sa akong mga kauban sa trabaho ug sa uban. Mag-print kog mga kopya ug ako ning iapod-apod.”

 Paglabay ug pipila ka semana, naestorya ni Bryn ang direktor. Miingon ang direktor nga na-access nila ang website ug nag-print silag mga kopya sa mga artikulo bahin sa stress ug ubang susamang topiko. Ila ning gihatag sa mga nars ug sa ubang empleyado sa ospital.

 Si Bryn miingon: “Gipasalamatan ko sa direktor sa atong buluhaton ug sa maayo kaayong pagkahimo nga mga artikulo. Siya miingon nga dako kaayo tog tabang.”