Yesu akagamba ku abantu abine emitima mirungi barije kuhurira amazima kandi bagikirize. (Yoh 10:4, 27) Obwe rero, obwire bwona obu turi kuganira n’abantu nituba turi kwenda kubagambira amazima g’omuri Bibuli g’okubandizaho. Gezaho kubagambira amazima ori kubabuza ngu: “Mbehi waba nomanya ku. . . ?” ninga shi “Mbehi warahurireho ku . . . ?” Bwanyima okorese ebyahandikirwe kugira ngu omushobororere. Twaba turi kuburira amazima g’omuri Bibuli nituba turi kubiba embibo omu mitima y’abantu, kandi Ruhanga nabasa kukuza ezo mbibo!—1 Kor 3:6, 7.

•  Ebiro eby’omu misho

•  Eby’amaka

•  Ruhanga

•  Eshara

•  Yesu

•  Obukama bwa Ruhanga

•  Okubonabona

•  Orufu

•  Edini

 EBIRO EBY’OMU MISHO

1. 1.  Ebintu n’emitwarize y’abantu ebiriho omuri obu bwire nibyereka ku hari kwenda kubaho empinduka juba aha.—Mat 24:3, 7, 8; Luk 21:10, 11; 2 Tim 3:1-5.

2. 2.  Ensi tericwecerezibwa. —Zab 104:5; Mub 1:4.

3. 3.  Ebintu ebiri omu nsi nibyija kushuba kubonera.—Isa 35:1, 2; Kush 11:18.

4. 4.  Buri omwe nayija kugira amagara marungi.—Isa 33:24; 35:5, 6.

5. 5.  Nobasa kubaho omu nsi ebiro byona.—Zab 37:29; Mat 5:5.

 EBY’AMAKA

1. 6.  Omushija ashemerire ‘kukunda omukazi weye nk’oku ari kwekunda.’—Efe 5:33; Kol 3:19.

2. 7.  Omukazi ashemerire kuha ekitinisa omushija weye.—Efe 5:33; Kol 3:18.

3. 8.  Omushija n’omukazi buri omwe ashemerire kuba omwesigwa ahari mugenzi weye.—Mal 2:16; Mat 19:4-6, 9; Heb 13:4.

4. 9.  Abana abari korobera abazire babo nibagira eki bahikaho. —Emi 1:8, 9; Efe 6:1-3.

 RUHANGA

1. 10.  Ruhanga ayine izina. —Zab 83:18; Yer 10:10.

2. 11.  Ruhanga nagamba n’itwe.—2 Tim 3:16, 17; 2 Pet 1:20, 21.

3. 12.  Ruhanga naringaniza kandi tari kushorora.—Bir 10:17; Byak 10:34, 35.

4. 13.  Ruhanga nayenda kutukwasa.—Zab 46:1; 145:18, 19.

  ESHARA

1. 14.  Ruhanga nayenda ngu tumushabe.—Zab 62:8; 65:2; 1 Pet 5:7.

2. 15.  Bibuli netwegesa oku tushemerire kushaba.—Mat 6:7-13; Luk 11:1-4.

3. 16.  Tushemerire kushaba emirundi myingi.—Mat 7:7, 8; 1 Tes 5:17.

 YESU

1. 17.  Yesu akaba ari omwegesa mukuru kandi ebi yabire nayegesa byona bikaba nibigasira abantu.—Mat 6:14, 15, 34; 7:12.

2. 18.  Yesu akahanura ebintu ebiri kuhikirira omuri obu bwire.—Mat 24:3, 7, 8, 14; Luk 21:10, 11.

3. 19.  Yesu ni Omwana wa Ruhanga.—Mat 16:16; Yoh 3:16; 1 Yoh 4:15.

4. 20.  Yesu ti Ruhanga Rukirabona.—Yoh 14:28; 1 Kor 11:3.

 OBUKAMA BWA RUHANGA

1. 21.  Obukama bwa Ruhanga ni obutegeki oburi kutegecera omu iguru.—Dan 2:44; 7:13, 14; Mat 6:9, 10; Kush 11:15.

2. 22.  Obukama bwa Ruhanga nibwija kwihaho obutegeki bw’abantu. —Zab 2:7-9; Dan 2:44.

3. 23.  Obukama bwa Ruhanga ni bwo bwonka oburije kwihaho ebizibu by’abantu.—Zab 37:10, 11; 46:9; Isa 65:21-23.

 OKUBONABONA

1. 24.  Ruhanga ti we ori kutubonabonesa.—Bir 32:4; Yak 1:13.

2. 25.  Sitane ni we mutegeki w’eyi nsi.—Luk 4:5, 6; 1 Yoh 5:19.

3. 26.  Ruhanga nafa aha kubonabona okuri kukuhikaho.—Zab 34:17-19; Isa 41:10, 13.

4. 27.  Juba aha Ruhanga nayija kutwihiraho okubonabona.—Isa 65:17; Kush 21:3, 4.

 ORUFU

1. 28.  Abafire tihine eki bari kumanya; tibari kubonabona.—Mub 9:5; Yoh 11:11-14.

2. 29.  Abafire tibari kubasa kutukwasa ninga kutukora kubi. —Zab 146:4; Mub 9:6, 10.

3. 30.  Abakundwa bitu abafire nibija kuzoka.—Yob 14:13-15; Yoh 5:28, 29; Byak 24:15.

4. 31.  ‘Tiharibaho okufa bundi.’—Kush 21:3, 4; Isa 25:8.

 EDINI

1. 32.  Amadini gona ti ko gari kushemeza Ruhanga.—Yer 7:11; Mat 7:13, 14, 21-23.

2. 33.  Ruhanga nayanga oburyarya.—Isa 29:13; Mik 3:11; Mar 7:6-8.

3. 34.  Rukundo eya buzima ni akamanyiso k’edini ey’amazima.—Mik 4:3; Yoh 13:34, 35.