ISHOMO RYA 20
Okuhendera ge
Omubuurizi 12:13, 14
EMPINYE: Omu kuhendera kwawe, yereka abakuhurikize ku bashemerire kwesiga kandi bakata omu nkora ebi bayega.
OKU ORI KUBASA KUKIKORA:
-
Buganisa okuhendera kwawe n’enyesa yawe yona. Shoborora ninga ogarukemu enshonga nkuru n’omutwe mukuru.
-
Higa abakuhurikize. Yereka abakuhurikize eki bashemerire kukora n’enshonga ahabw’enki bashemerire kukikora. Gamba omu muringo oguri kwereka ku noyesiga ebi ori kugamba.
-
Ebigambo byawe by’okuhendera bishemerire kuba bigufu kandi byorobi. Otagamba ezindi nshonga nkuru nsya. Bereke eki bashemerire kukora omu bigambo bice oku kiri kubasika.
