ISHOMO RYA 6
Kushoborora ge ebyahandikirwe
Yohaana 10:33-36
EMPINYE: Otashoma ecahandikirwe kusha ngu ohike ori kuza aha yindi nshonga. Yereka abakuhurikize ahu orunyiriri oru washoma ruri kubuganira n’ishomo eri ori kwenda kwegesa.
OKU ORI KUBASA KUKIKORA:
-
Yereka ebigambo bikuru. Waheza kushoma ecahandikirwe hika noyereka ebigambo bikuru ebiri kubugana n’enshonga nkuru. Nobasa kubikora ori kugaragarukamu ebyo bigambo ninga shi ori kubuza ekibuzo ekiri kutuma abakuhurikize bacenga ebigambo bikuru.
-
Sindagiriza enshonga nkuru. Wayereka enshonga ahabw’enki washoma orwo runyiriri, shoborora oku ebigambo bikuru biri kubugana n’ebyo ebi wagamba.
-
Shoborora omu buryo bworobi. Yerinde kugamba ebigambo ebitine ahu biri kubuganira n’omutwe mukuru. Ori kwihirira aha bi abakuhurikize bari kumanya aha nyegesa yawe, ronda ebitekateko ebiri kutuma eyo nyegesa yacengeka.
