ISHOMO RYA 20
Oku ekibina kitebekanisibwe
Yehova ni Ruhanga w’entebekanisa. (1 Abakorinso 14:33) Obwe rero n’abahereza beye bashemerire kugira entebekanisa. Ni bata oku omu kibina hatebekasibwe? Ni bata oku turi kubasa kutuma eyo ntebekanisa yagumaho?
1. Omwebembezi w’ekibina ni oha?
‘Kristo ni we omutwe [gw’ekibina].’ (Abaefeso 5:23) Nareberera emirimo y’abahereza ba Yehova ari omu iguru. Yesu akatorana ‘omwambari ow’omwesigwa kandi ow’omunyabwenge’ ni okugamba abazehe abakuzire omu by’omwika abari kumanywa nk’Akakiko k’Abarisa. (Shoma omuri Matayo 24:45-47.) Nk’oku entumwa n’abazehe b’omuri Yerusalemu babire nibakikora, Akakiko k’Abarisa nikaha obuhabuzi ebibina by’omu nsi yona. (Ebyakozirwe 15:2) Konka abo bashija tibo bebembezi b’ekitongore ca Yehova. Nibarondera obuhabuzi ahari Yehova n’omu Kigambo ceye kandi borobera obuhabuzi bwa Yesu.
2. Ni guha murimo ogu abazehe bine?
Abazehe ni abashija abakuzire omu by’omwika abari kwegesa bakoresize Ebyahandikirwe kandi bakarisa abahereza ba Yehova bari kubakwasa kandi bakabagumya. Tibari kushashurwa. Ahobwe nibakora ‘beyendire nk’oku Ruhanga arikukunda; ti ahabw’omururu mubi g’okutunga ebintu, kureka bine omutima oguri kukunda.’ (1 Petero 5:1, 2) Abazehe nibayambwa n’abahereza b’ekibina na bo abari kuhisya obwire bakijuza ebiri kushabwa ngu babe abazehe.
Akakiko k’Abarisa nikatorana abazehe bamwe ngu babe abareberezi abari kutayayira ebibina. Abo bareberezi nibatayayira ebibina ngu babihe obuhabuzi kandi babigumye. Nibatorana abazehe n’abahereza b’ekibina abari kwijuza ebiri kushabwa by’omu Byahandikirwe.—1 Timoseo 3:1-10, 12; Tito 1:5-9.
3. Ni guha murimo ogu Abahamya twena twine?
Ab’omu kibina bona ‘nibahimbisa izina rya [Yehova]’ bari kwekwatanisa omu nterane n’omu murimo g’okuburira omu mbera zona ezi bakuba barimu.—Shoma omuri Zaaburi ya 148:12, 13.
YEGA BYINGI
Manya oku Yesu ari kwebembera, oku abazehe bari kubasa kumutoreza n’oku turi kubasa kukorengana ge na Yesu n’abazehe.
4. Yesu ni omwebembezi ori kuruhura
Yesu ayine obutumire obu ari kutuha. Shoma omuri Matayo 11:28-30, rero muganire ahari eki kibuzo:
-
Ni bata oku Yesu ari kwenda ngu turebe obwebembezi bweye?
Ni bata oku abazehe bari kubasa kutoreza Yesu? Zana VIDIYO.
Bibuli neshoborora ge oku abazehe bashemerire kukora omurimo gwabo.
Shoma omuri Isaaya 32:2 na 1 Petero 5:1-3, rero muganire ahari ebi bibuzo:
-
Ni bata oku ori kwehurira wamanya ku abazehe bari kutoreza Yesu bari kuruhura abandi?
-
Ni buha bundi buryo obu abazehe bari kubasa kutorezamu Yesu?
5. Abazehe nibateraho abandi ecokureberaho
Ni bata oku Yesu ari kwenda ngu abazehe barebe omurimo gwabo? Zana VIDIYO.
Yesu akateraho ecokureberaho abari kwebembera omu kibina. Shoma omuri Matayo 23:8-12, rero muganire ahari eki kibuzo:
-
Ni enki ekiri kukushemeza aha ntanisa eri ahagati y’oku abazehe bari kutwaza n’ebi warebire abebembezi b’amadini bari kukora?
-
Abazehe nibefaho kandi bafa n’aha b’omu maka gabo omu by’omwika
-
Abazehe nibafa ahari buri omwe omu kibina
-
Abazehe nibaburira burijo
-
Abazehe ni abegesa. Nambwenu nibayamba omu kuyonja n’omu bindi
6. Nitubasa kukorengana n’abazehe
Bibuli netugambira enshonga ahabw’enki tushemerire kukorengana n’abazehe. Shoma omu Baheburaayo 13:17, rero muganire ahari ebi bibuzo:
-
Ahabw’enki Bibuli eri kutugambira ngu tworobere abari kutwebembera? Eco nikituma wayehurira ota?
Shoma omuri Luka 16:10, rero muganire ahari eki kibuzo:
-
Ahabw’enki tushemerire kukorengana n’abazehe n’omu buntu buce?
ABANTU ABAMWE NIBAGAMBA NGU: “Nitubasa kuramya Ruhanga oku turi kweyendera.”
-
Notekateka ngu ni biha birungi ebi ori kubasa kutunga waramya Yehova ori n’abandi omu kibina?
EMPINYE
Yesu ni omwebembezi w’ekibina. Nitukorengana n’abazehe abari kukuratira obuhabuzi bweye ahakuba nibaturuhura kandi batuteraho ecokureberaho kirungi.
Wayega ki?
-
Omwebembezi w’ekibina ni oha?
-
Ni bata oku abazehe bari kukwasa ekibina?
-
Ni guha murimo ogu Abahereza ba Yehova bona bine?
CONDOZA
Reba ebihamya ebiri kwereka ku omuri obu bwire Ab’omu Kakiko k’Abarisa n’abandi bazehe bari kufa aha Bakristo.
Yega byingi aha murimo gw’abareberezi abari kutayayira ebibina.
Yega ebiri kukwata aha mwanya ogu abakazi bine omu kibina.
Reba oku abazehe bari kukora n’amani kugira ngu bagumye Abakristo bagenzi babo.
