Nitucumura kandi tufa, ahakuba omushija n’omukazi b’okubanza ari bo Adamu na Eva, bakagomera Ruhanga. * Konka nabwo twine amasiko. Yehova akatuteraho oburyo bw’okucungurwa turi kuruga omu kibi n’okufa, birabire aha mwana weye Yesu Kristo. Bibuli negamba ku Yesu yahireyo ekitambo birabire aha kufa kweye. Ekitambo ni esente eziri kuhebwayo kugira bagarure omuntu ninga ekintu ecaba kitwirwe. Ekitambo ca Yesu kikaba nikingana n’amagara geye agahikirire. (Shoma omuri Matayo 20:28.) Yesu ku yayikirize kuferwa obugabe bweye bw’okubaho ebiro byona omu nsi, akatwiguriraho omuhanda g’okugarurirwa ebi Adamu na Eva baburize. Nambwenu ebi Yesu yakozire bikereka oku we na Yehova bari kutukunda. Eri shomo ryaza kutwereka oku turi kubasa kwereka ku nitusima aha bw’ekitambo ca Yesu.

1. Ni bata oku ekitambo ca Yesu kiri kubasa kutugasira omuri obu bwire?

Ahakuba tutahikirire nitukora ebintu byingi ebiri kushasha Yehova. Konka, ku turi kushasha ahabw’ebi tukozire tukashaba Yehova embabazi tubirabize ahari Yesu Kristo, kandi tukakora cona eki turi kubasa kugira ngu tutashuba kubigarukamu, nitushuba kugira obunywani buhamire na Ruhanga. (1 Yohaana 2:1) Bibuli negira ngu: ‘Kristo akabonabonesibwa rimwe ahabw’ebibi yaheza, ohikirire ahabw’abatahikirire, ngu aturete ahari Ruhanga.’—1 Petero 3:18.

2. Ni bata oku ekitambo ca Yesu kirije kutugasira omu biro by’omu misho?

Yehova akohereza Yesu kugira ngu aheyo amagara geye agahikirire ‘ngu omuntu wena ori kumwikiriza areke kuhwerecerera, kureka atunge amagara agatahwaho.’ (Yohaana 3:16) Birabire aha kitambo ca Yesu, Yehova nayija kwihaho ebibi byona ebyaresirwe n’okugoma kwa Adamu. Eco nikimanyisa ku twayikiriza ekitambo ca Yesu, nikija kutuma twashemerererwa amagara ebiro byona omuri paradiso omu nsi!—Isaaya 65:21-23.

 YEGA BYINGI

3. Okufa kwa Yesu nikutwiha omu kibi n’okufa

1. Adamu akaba ari omuntu ohikirire konka akagomera Ruhanga, yatuma abantu bona bahikwaho ekibi n’okufa

2. Yesu ni omuntu ohikirire ori korobera Ruhanga kandi akatuma abantu bona batunga omugisha g’okugaruka kuba abahikirire kandi bakabaho ebiro byona

4. Okufa kwa Yesu nikugasira abantu bona

 5. Ekitambo ni ekiconco eki Yehova yakuhire

Banywani ba Yehova nibareba ekitambo nk’ekiconco eki yabahire. Ecokureberaho; shoma omu Bagalatia 2:20, rero muganire ahari eki kibuzo:

• Ni bata oku entumwa Pawulo yayerekire ku nareba ekitambo nk’ekiconco eki Yehova yamuhire?

Adamu ku yacumwire, we n’abamukomokireho bona bakacwerwa orw’okufa. Konka Yehova akohereza omwana weye ngu afe kugira ngu otunge omugisha g’okwija kubaho ebiro byona.

Ku orabe noshoma ezi nyiriri, oreba oku Yehova yabire ari kwehurira obu omwana weye yabire ari kubonabona. Shoma omuri Yohaana 19:1-7, 16-18, rero muganire ahari eki kibuzo:

• Noyehurira ota ahabw’ebi Yehova na Yesu bakukorire?

 EMPINYE

Okufa kwa Yesu nikutuma Yehova yatusaasira ebibi byitu kandi kutuma twatunga omugisha g’okwija kubaho ebiro byona.

Wayega ki?

• Ahabw’enki Yesu yafire?

• Ni bata oku Yesu yayehireyo kuba ow’okucungura abantu bona?

• Okufa kwa Yesu nikubasa kukugasira kuta?