ISHOMO RYA 55
Shagika ekibina cawe
Omu nsi yona, abantu abari kurenga za miliyoni nibashemerererwa kuramiza Yehova omu bibina byingi. Nibesimira obuhabuzi obu bari kutungiramu kandi nibashagika ekibina omu buryo bwingi. Mbehi n’iwe noshagika ekibina cawe?
1. Ni bata oku ori kubasa kukoresa obwire bwawe n’amani gawe omu kushagika ekibina?
Twena nitubasa kukwasa ekibina. Ecokureberaho: Mbehi omu kibina cawe harimu Abakristo abakuzire ninga abamugire? Mbehi nobasa kubakwasa kuhika omu nterane? Ninga shi tori kubasa kubakwasa omu bindi bikorwa nk’okubagurira ebyokurya ninga endijo mirimo y’omu ka? (Shoma omuri Yakobo 1:27.) Nambwenu nitubasa kuyamba omu kuboneza Enju yitu y’Obukama. Tihariho omuntu ori kutugema kukora ebyo bintu. Rukundo eyi turi kukunda Yehova na benetata ni yo eri kutuhiga ‘kwehayo twekundire.’—Zaaburi 110:3.
Abahamya ba Yehova ababatizibwe nibabasa kushagika ekibina omu bundi buryo. Benetata abijwize ebiri kushabwa nibabasa kuba abahereza b’ekibina kandi bwanyima baba n’abazehe. Nambwenu benetata na banyanyazi bona nibabasa kushagika omurimo g’okuburira bari kuba abapayoniya. Abahamya abamwe nibabasa kuyamba omu by’obwombeki ninga shi bafurukira omu tucweka oturi kwetenga obuyambi.
2. Ni bata oku turi kubasa kukoresa ebintu ebi twine omu kushagika ekibina?
Nitubasa kuhisa Yehova ekitinisa tukoresize ebintu byitu. (Enfumu 3:9) Nitukireba nk’omugisha kukoresa esente zitu n’ebintu ebi twine turi kushagika ebibina byitu n’omurimo g’okuburira oguri kukorwa omu nsi yona. (Shoma omu 2 Bakorinso 9:7.) Ebiconco ebi turi kuhayo, nambwenu nibiyamba abahikirweho ebihikirizi. Abingi nibasharamu kugira eki babika kugira ngu bije kubikoresa omu kuhayo ebiconco. (Shoma omu 1 Bakorinso 16:2.) Nitubasa kuhayo ebiconco, tukoresize obushanduku oburi omu myanya yitu y’okuramizamu ninga shi tukoresa orubuga rwitu rw’ahari intaneti rwa donate.pr418.com. Yehova akatuha omugisha g’okumwereka ku nitumukunda tukoresize ebintu byitu.
YEGA BYINGI
Shwijuma oburyo bumwe na bumwe obu ori kubasa kushagikamu ekibina.
3. Nitubasa kukoresa ebintu ebi twine
Yehova nakunda abari kugaba kandi na Yesu ni ko okwe. Ecokureberaho: Yesu aketegereza omufakazi w’omucene owatireho amani kugira ngu agire eki yaha Yehova. Shoma omuri Luka 21:1-4, rero muganire ahari ebi bibuzo:
-
Mbehi kugira ngu tushemeze Yehova nituba tushemerire kuhayo esente nyingi?
-
Yehova na Yesu nibehurira bata bareba ku twine omutima g’okuhayo ebiconco?
Kugira ngu omanye oku ebiconco ebi turi kuhayo biri kukoresibwa, zana VIDIYO. Bwanyima muganire ahari eki kibuzo.
-
Ni bata oku ebiconco biri kukoresibwa kugira ngu bikwase ebibina by’omu nsi yona?
4. Nitubasa kwehayo omu kuyamba
Omu bwire bwa Bibuli, abahereza ba Yehova bakaba nibataho amani kugira ngu bafe ha myanya yabo y’okuramizamu. Konka eco nikitwariramu ebiri kukira kuhayo esente kusha. Shoma omu 2 Busingye 34:9-11, rero muganire ahari eki kibuzo:
-
Ni enki eki buri Mwisirayeli yabire nakora kugira ngu afe aha Nju ya Yehova, ninga shi omwanya g’okuramizamu?
Kugira ngu orebe oku Abahamya ba Yehova bari kutoreza eco cokureberaho, zana VIDIYO. Bwanyima muganire ahari ebi bibuzo.
-
Ahabw’enki kiri ec’omugasho kuboneza Enju yitu y’Obukama n’okugihunduza?
-
Ni bata oku ori kubasa kwekwatanisa omuri eyo mirimo?
5. Benetata nibabasa kwijuza ebiri kushabwa kugira ngu bahebwe endijo mirimo
Ebyahandikirwe nibihiga benetata kwijuza ebiri kushabwa kugira ngu bakore byingi bari kuyamba ekibina. Kugira ngu obone ebyokureberaho, zana VIDIYO. Bwanyima mugarukemu eki kibuzo.
-
Nk’oku wakireba omuri vidiyo, ni enki eki Ryan yakozire kugira ngu ayijuze ebiri kushabwa ashagike ekibina omu bwijwire?
Bibuli negamba ebi benetata bari kuba bashemerire kwijuza kugira ngu babe abahereza n’abazehe omu kibina. Shoma omuri 1 Timoseo 3:1-13, rero muganire ahari ebi bibuzo:
-
Ni biha bintu ebi mwenetata ari kuba ashemerire kuba ayijwize kugira ngu abe omuhereza ninga omuzehe omu kibina?
-
Ni biha bintu ebi ab’omu ka yeye bari kuba bashemerire kwijuza?—Reba orunyiriri rwa 4 n’orwa 11.
-
Benetata ku bari kutaho amani kugira ngu bijuze ebiri kushabwa, ni bata oku biri kugasira ab’omu kibina?
ABANTU ABAMWE NIBABASA KWEBUZA NGU: “Ni nkahe ahu Abahamya ba Yehova bari kwiha esente ezi bari kukoresa?”
-
Nobasa kubagarukamu ota?
EMPINYE
Yehova nashemererwa ahabw’amani agu turi kutaho kugira ngu tushagike ekibina tukoresize obwire bwitu, amani gitu n’ebi twine.
Wayega ki?
-
Ni bata oku turi kubasa kukoresa obwire bwitu n’amani gitu omu kushagika ekibina?
-
Ni bata oku turi kubasa kukoresa ebintu byitu omu kushagika ekibina?
-
Ni bata oku ori kubasa kushagika ekibina?
CONDOZA
Shwijuma enshonga ahabw’enki Yehova atari kushaba abahereza beye kimwe c’ikumi.
“Ni enki eki Bibuli eri kugamba ahari kimwe c’ikumi?” (Enkuru y’ahari intaneti)
Manya eki ‘kwijuza ebiri kushabwa’ omu kibina kiri kumanyisa.
“Mbehi oyijwize ebiri kushabwa?” (Omunara g’Omurinzi, 15 Okwamwenda, 2014)
Benetata bamwe abine obumanzi bakeferereza munonga kugira ngu batwarire Abakristo bagenzi babo ebitabo.
Reba oku omurimo gwitu guri kushagikwa omu buryo oburi kutanira kimwe n’agandi madini.
“Ni bata oku omurimo gw’Abahamya ba Yehova guri kushagikwa?” (Enkuru y’ahari intaneti)
