GIRA AMANI OMU MURIMO G’OKUBURIRA | YONGERA OKUSHEMERERWA OMU MURIMO
Kwasa abegi ba Bibuli kwija omu nterane
Enterane z’ekibina ni ez’omugasho munonga omu kuramya okw’amazima. (Zab 22:22) Abantu bona abari kwija kuramya Yehova nibatunga okushemererwa n’emigisha. (Zab 65:4) Abegi ba Bibuli baguma kwija omu nterane burijo nikituma batunguka juba.
Ni bata oku ori kubasa kukwasa abegi ba Bibuli kwija omu nterane? Gumizamu kubeta omu nterane. Bereke vidiyo eyine omutwe oguri kugira ngu Omu Nju y’Abahamya ba Yehova nihakorerwamo enki? Bashobororere ebirungi by’okwija omu nterane. (lff Ishomo rya 10) Nobasa kubagambira ebi mwayegire omu nterane ez’obuhwire ninga shi obagambira ebi murije kwega omu ziri kukurataho. Guma ohe abegi ba Bibuli ebitabo ebi murakorese. Nambwenu, ogume obahe obuyambi omu bikorwa. Nibabasa kuba bari kwetenga obuyambi bw’okuhika omu nterane. Noyija kushemererwa ku oratemu amani okakwasa omwegi wawe kwija omu nterane aha murundi g’okubanza.—1Kor 14:24, 25.
MUREBE VIDIYO EYINE OMUTWE OGURI KUGIRA NGU KWASA ABEGI BA BIBULI KWIJA OMU NTERANE, BWANYIMA MUGARUKEMU EBI BIBUZO:
-
Ni guha mugisha ogu Neeta yakoresa ngu ayete Jade omu nterane?
-
Ahabw’enki turi kutunga okushemererwa omwegi witu wa Bibuli ku ari kwija omu nterane?
-
‘Ruhanga ari omuri imwe’
Ni bata oku Jade yayehurire ku yagire omu nterane aha murundi g’okubanza?
