Ekigambo ca Ruhanga nikibasa kuhindura amagara gitu. (Heb 4:12) Konka, kugira ngu tugasirwe n’obuhabuzi n’enama ebirimu, tushemerire kwesiga tutari kubanganisa ku ari ‘ekigambo ca Ruhanga.’ (1Tes 2:13) Ni bata oku turi kubasa kugumya okwikiriza kwitu birabire omuri Bibuli?

Gira ebi washoma omuri Bibuli burizoba. Waba noshoma, ogume norondamu ebihamya ebiri kwereka ku Yehova ari we muhandiki wayo. Ecokureberaho: Shwijuma enama eziri omu kitabo c’Emigani kandi orebe oku obwenge oburimu buri kubugana n’embera za burijo.​—Emi 13:20; 14:30.

Taho entebekanisa y’okweyegesa. Guma oshome ebihamya ebiri kwereka ku Bibuli yahandikisibwe Ruhanga. Reba Ekitabo ekiri kukwasa Abahamya ba Yehova kucondoza, ahaasi y’ahari kugira ngu “Bibuli,” rero oshome ahahandikire ngu “Ekahandikisibwa Ruhanga.” Nambwenu, nobasa kugumya okwikiriza kwawe aha biri kwereka ku obutumwa bw’omuri Bibuli butarahindukire, ori kushwijuma Enyongezo ya A3, omuri Bibuli y’Obuhinduzi bw’ensi ensya.

MUREBE VIDIYO ERI KUGIRA NGU AHABW’ENKI TURI KWIKIRIZA EKIGAMBO CA RUHANGA, BWANYIMA MUGARUKEMU EBI BIBUZO:

• Ni bata oku ebyajumbwirwe aha kisika ca hekalu ya Karnak, omuri Misiri, biri kuhamya ku Ekigambo ca Ruhanga kiri amazima?

  textarea-1

• Nitumanya tuta ku obutumwa bw’omuri Bibuli butarahindukire?

  textarea-2

• Ni bata oku okuba Bibuli yahonokireho kiri kukuhamiza ku eri Ekigambo ca Ruhanga?​—Shoma omuri Isaya 40:8

  textarea-3