Nitwenda kushemeza Yehova omu bi turi kukora byona. (Emi 27:11) Kugira ngu eco tukihikeho, tushemerire kukora ensharamu eziri kubugana n’emitecerereze yeye, n’obu twakuba tutine kiragiro ec’okugenderaho. Ni enki ekirije kutukwasa kukihikaho?

Gumizamu kugira entebekanisa ehamire y’okweyegesa Bibuli. Burijo ku turi kuba nitushoma Bibuli, nituba turi kugamba na Yehova. Nitubasa kumanya emitecerereze ya Yehova turi kwetegereza oku yatwarize abahereza beye, kandi turi kushwijuma ebyokureberaho eby’abamukorire ebirungi n’ebibi. Twaba twine eki turi kwenda kusharamu, omwika oguri kwera nigutukwasa kwijuka amashomo n’emisinge ebi twayeyegesize omu Kigambo ca Ruhanga.​—Yoh 14:26.

Guma ocondoze. Waza kukora ensharamu, guma oyebuze oti: ‘Ni ziha nyiriri ninga shi enkuru z’omuri Bibuli eziri kubasa kunkwasa kushoborocerwa oku Yehova ari kureba eyi nsharamu eyi naza kukora?’ Shaba Yehova obuyambi, bwanyima ocondoze ori kukoresa ebikoreso byitu by’okucondorezamu ebiriho omu rurimi rwawe, ebirije kukukwasa kubona emisinge y’omuri Bibuli n’okugigenderaho omu kukora ensharamu yawe.​—Zab 25:4.

MUREBE VIDIYO ERI KUGIRA NGU TUSHEMERIRE ‘KWIRUKA N’OKUGUMISIRIZA’​—TURI KWEGABURIRA EBYOKURYA EBIHIKIRE, BWANYIMA MUGARUKEMU EBI BIBUZO:

• Ni biha bigezo ebi omunyanyazi ocari muto ori kugambwa omuri egi vidiyo yabugine?

  textarea-1

• Ni bata oku ebikoreso by’okucondorezamu biri kubasa kukukwasa kwehanganira ebigezo nk’ebyo?

  textarea-2

• Ni bata oku okucondoza n’okweyegesa biri kubasa kutukwasa kukora ensharamu ndungi? —Heb 5:13, 14

  textarea-3