Yehova ni Ruhanga w’okushemererwa, kandi nayenda ngu n’itwe tushemerererwe omurimo g’okuburira. (1Tim 1:11) Twaboneza omurimo gwitu nikituma n’okushemererwa kwitu kwayeyongera. Okubuza ebibuzo nikituma omuntu yakunda obutumwa kandi ni oburyo burungi bw’okutandikisa ebiganiro. Ebibuzo nibituma omuntu yatekateka kandi agamba ebi ari kutecereza. (Mat 22:41-45) Twabuza omuntu ebibuzo kandi tukamutega amatu, nituba twamwereka ku turi kumufaho. (Yak 1:19) Ebyokugarukamu ebi yatuha nibituma twamanya ebi turaganireho kandi ekiganiro kikizaho kunura.

MUREBE VIDIYO EYINE OMUTWE OGURI KUGIRA NGU TUNGA OKUSHEMERERWA OMU MURIMO G’OKUHINDURA ABANTU ABEGI—GIRA OBWENGE OMU MURIMO G’OKUBURIRA: OKUBUZA EBIBUZO, BWANYIMA MUGARUKEMU EBI BIBUZO:

• Ni eha micwe mirungi eyi Jade yayereka?

• Ni bata oku Neeta yakoresa ebibuzo ari kwereka ku nafa ahari Jade?

• Ni bata oku Neeta yakoresa ebibuzo kugira ngu Jade akizeho kukunda obutumwa burungi?

• Ni bata oku Neeta yakoresa ebibuzo kugira ngu akwase Jade kutecereza n’okugamba ebimuri aha mutima?