Ebigezo nibibasa kutumara amani omu buryo bworobi, namunonga byamara obwire. Dawudi akaba namanya ku ekigezo ceye ekikwatirine n’omugabe Sawulo cabire kirije kuhendera akaba omugabe, nk’oku Yehova yabire yamuraganisize. (1Sam 16:13) Okwikiriza kwa Dawudi kukamukwasa kwehangana n’okutegereza Yehova.

Twaba turi omu kigezo, nituba tushemerire kukoresa obwenge, obumanyi, ninga obushoborozi bwitu bw’okutecereza, kugira ngu tuhindure embera ezi turimu. (1Sam 21:12-14; Em 1:4) Konka, hine obu turi kukora cona eki turi kubasa kandi tukuratiza emisinge ya Bibuli, nabwo byanga. Omuri obwo bwire, nituba tushemerire kwehangana kandi tutegereza Yehova. Juba aha nayija kwihaho okubonabona kona kandi ‘aragaze amarira gona’ aha misho gitu. (Kush 21:4) Ekigezo kitu cahendera ahabwa Yehova ninga shi kikarugaho ahabw’endijo nshonga, eki turi kumanya ni kimwe: Ebigezo byona nibihwa. Okumanya eco nikituhumuriza.

MUREBE VIDIYO EYINE OMUTWE OGURI KUGIRA NGU ABANTU ABINE OBUMWE OMURI EGI NSI EYEBAGANISIZEMU, BWANYIMA MUGARUKEMU EBI BIBUZO:

• Ni biha bizibu ebi Abakristo b’omuri Amerika y’amashuma babugine?

• Ni bata oku bayerekire okwehangana na rukundo?

• Ni bata oku bagumizemu kuta omutima aha bintu by’omugasho ebiri kukira ebindi?​—Fil 1:10