Dawudi akasinga Goliyati ahabw’okuba yabire ari kwesiga Yehova. (1Sam 17:45) Yehova naba ari kwenda kwereka amani geye omu kurwanirira abahereza beye. (2Bus 16:9) Ni bata oku turi kubasa kwesiga Yehova omu mwanya g’okwesiga ebyatubireho n’obushoborozi obu twine? Reba oburyo bushatu obu turi kubasa kukikoramu:

• Guma oshabe burijo. Guma oshabe otari kushaba embabazi kusha ahobwe nambwenu ogume oshabe amani g’okwehanganira ekigezo. (Mat 6:12, 13) Otaguma kushaba Yehova ngu ahe emigisha ensharamu azi wamazire kukora ahobwe ogume omushabe obuhabuzi otakazishaziremu.​—Yak 1:5

• Gira akamanyiro k’okushoma Bibuli burizoba n’okweyegesa. Guma oshome Bibuli burizoba. (Zab 1:2) Tecereza aha byokureberaho by’omuri Bibuli kandi ote omu bikorwa amashomo agu wayega. (Yak 1:23-25) Guma oyetegure omurimo g’okuburira omu mwanya g’okwesiga ebi wahikireho omu bwire bwa kare. Guma ogasirwe n’enterane ori kuzetegura

• Guma okorane ge n’ekitongore ca Yehova. Guma okuratize obuhabuzi bw’ekitongore obwa juba kandi obukuratize otazaririre. (Kub 9:17) Guma otege amatu abazehe baba bari kutuha enama n’obuhabuzi.​—Heb 13:17

MUREBE VIDIYO ERI KUGIRA NGU TITUSHEMERIRE KUTINA EBIGEZO, BWANYIMA MUGARUKEMU EBI BIBUZO:

• Ni ziha mbera ezi benetata na banyanyazi babugine zikatuma batina?

• Ni enki ecabakwasize kutatina?