Abantu abashemire omu by’emicwe bonka ni bo abari kugira obunywani na Yehova. (1Pet 1:14-16) Abegi ba Bibuli ku bari kugezaho kucweka aha ngesho mbi, nikibasa kutuma batunga emigisha omu maka gabo, bagira amagara marungi, kandi bakoresa ge esente.

Guma obashobororere ge emisinge ya Yehova y’eby’emicwe, enshonga ahabw’enki bashemerire kuyikuratiza, n’oku kirije kubagasira. Iwe guma okwase abegi kuhindura ebitekerezo byabo, ebindi nibyija kwekora. (Efe 4:22-24) Bahamize ku Yehova arije kubakwasa bakasinga engesho mbi ezasingire emizi. (Fil 4:13) Begese kuguma kushaba Yehova bagezibwa kucumura. Bakwase kumanya embera eziri kubageza ezi bashemerire kwerinda. Bahige kusimbuza engesho mbi ebikorwa bibonire. Noyija kutunga okushemererwa wareba oku abegi ba Bibuli bari kuhinduka ahabw’obuyambi bwa Yehova.

MUREBE VIDIYO EYINE OMUTWE OGURI KUGIRA NGU KWASA ABEGI BA BIBULI KUCWEKA AHA NGESHO MBI, BWANYIMA MUGARUKEMU EBI BIBUZO:

• Ni bata oku abazehe na Neeta bayerekire Jade ku bacamwesiga?

• Ni bata oku Neeta yagumizemu kukwasa Jade?

• Ni bata oku Jade yarondire obuyambi ahari Yehova?