Twine vidiyo ina ezi turi kukoresa omu murimo g’okuburira. Mbwenu shi ni eha ntego ya buri vidiyo?

• Ahabw’enki tushemeriire kwega Bibuli?​—Vidiyo yona ekakorwa kugira ngu ekwase abantu b’omu madini agatari kushushana kwega Bibuli. Nehiga abari kugireba kurondera omuri Bibuli eby’okugarukamu by’ebibuzo ebigumire ebi bari kwebuza. Neshoborora oku ori kubasa kushaba kwega Bibuli.

• Ahabw’enki tushemeriire kwega Bibuli? (vidiyo ngufu) eri nk’eyi twamara kugambaho, konka nibitanira aha bwire obu ziri kumara. Nitubasa kugikoresa omuri za teritori ezi abantu bari kutura bahugire.

• Oku turi kwegyesa Bibuli ekakorwa kugira ngu ekwase abantu abari kubyenda, kwega Bibuli aha bwa busha kandi negarukamu ebibuzo bimwe ebi bari kwebuza aha ntebekanisa y’okwega Bibuli, harimu n’oku bari kubasa kushaba kwega.

• Nitukwakira omu kwega Bibuli nituyereka abegi ba Bibuli. N’obu eyi vidiyo eri ahari peji ya kabiri y’ekitabo Shemerererwa amagara, nobasa n’okuyereka omwegi mwaba muri kwega aha katabo Shemerererwa amagara. Eyo vidiyo neyereka ebiri omu kitabo kandi ekwasa omwegi kumanya ebi ashemerire kukora mwaba muri kwega.

N’obu ezo vidiyo zakozirwe ahabw’entego ezitari zimwe, nitubasa kuzereka ninga shi tuzisindikira omuntu twareba kiri kwetengesa. Ababurizi bashemerire kumanya ge ebiri omuri ezo vidiyo kandi bazikoresa ge mu murimo g’okuburira.