Ebihikirizi biri kukizaho kuba byingi omuri obu bwire. Habaho ebihikirizi entebekanisa y’okuyamba abahikirweho n’ebyo bihikirizi, eshemerire kuba etebekanisibwe ge. Ahabw’eyo nshonga, Akakiko k’Abarisa kakataho ekishenge c’okuyamba abahikirweho ebihikirizi ahari buri ofisi.

Benetata abari kukora omuri eco kishenge bamanya ku habaho ekihikirizi, nibahika bari kuterera abazehe kugira ngu bamanye yaba hariho ababurizi abari kwetenga obuyambi. Hasisikara ebintu byingi kandi ababurizi batari kubasa kubyeterereza, ofisi neyohereza benetata abijwize ebiri kushabwa kugira ngu babayambe. Abo benetata nibabasa kubuza abandi bayambi, ebikoreso, ninga shi bagura ebintu by’okubakwasa.

Hariho ebirungi byingi ebiri kuruga omu kukuratiza eyo ntebekanisa. Nikituma abandi bantu batabyejwangamu, kituma hatabaho akavuyo, kandi kituma tutashisha omutungo, ebiri kubasa kubaho buri mwenetata akozire ebi ari kweyendera.

Abo benetata abu ofisi erayohereze ni bo abari kusharamu esente ezirakoresibwe n’abayambi abari kwetengwa. Nambwenu nibakoringana n’abategeki b’omuri ako kacweka, abari kutuma emirimo yitu y’okuyamba yahika ahari byingi. Obwe rero, tihine omuntu oshemerire kweteraho entebekanisa y’okurundana esente, okutwara ebintu by’okuyamba omu mwanya ogubiremu ebihikirizi ninga shi kuzayo yaba atabishabirwe.

Konka nabwe, ahakuba turi kukunda benetata na banyanyazi nituba turi kwenda kubayamba habaho ebihikirizi. (Heb 13:16) Mbwenu shi ni enki eki ori kubasa kukora? Ekiri kukira byona, ogume oshabire abahikirweho ebihikirizi n’abari kubakwasa. Nambwenu nitubasa kuhayo ebiconco by’okuyamba omurimo g’okuburira. Za ofisi zitu, nizikuratiza obuhabuzi bw’akakiko k’abarisa, zisharamu oku ebyo bicongo birakoresibwe. Kandi twaba turi kwenda kuyamba, nitubasa kwijuza Fomu y’okuyamba omu by’obwombeki omu kacweka (DC-50).

MUREBE VIDIYO ERI KUGIRA NGU OMWIJURO OGWABIRE OMURI BRAZILI GUKASHISHA BYINGI, BWANYIMA MUGARUKEMU EBI BIBUZO:

Ni enki ecakushemeza aha ku Abahamya ba Yehova bayambire, bwanyima y’omwijuro ogwabire omuri Brazili omu mwaka gwa 2020?