1-7 Okwakana
ZABURI 23-25
Eceshongoro ca 4 n’okushaba | Ebigambo by’okutandika (eda. 1)
1. “Yehova ni we murisa wange”
(eda. 10)
Yehova natwebembera (Zab 23:1-3; w11-E 5/1 31 par. 3)
Yehova naturinda (Zab 23:4; w11-E 5/1 31 par. 4)
Yehova natugaburira (Zab 23:5; w11-E 5/1 31 par. 5)
Yehova nafa aha bahereza beye nk’oku omurisa ari kufa aha ntama zeye.
YEBUZE NGU:‘Ni bata oku Yehova yanfireho?’
2. Ebintu by’omugasho
(eda. 10)
Zab 23:3—‘Emihanda y’okuhikirira ni enki’ kandi shi ni enki ekiri kubasa kutuma tutayirugamu? (w11-E 2/15 24 par. 1-3)
Ni biha bintu by’omugasho ebi washomire omuri Bibuli omuri eyi sande ebi ori kwenda kutugambira?
3. Okushoma Bibuli
(eda. 4) Zab 23:1–24:10 (th ishomo rya 5)
4. Okutandikisa ekiganiro
(eda. 3) OKUBURIRA OMU BURYO OBUKWATIRWEHO. Shomera ecahandikirwe c’omuri Bibuli ekiri kuhumuriza owakugambira ku ayemerize omutima ahabw’ebiri kubaho. (lmd ishomo rya 2 akacweka ka 5)
5. Okukuratana omuntu
(eda. 4) AHA NJU N’ENJU. Yereka oku turi kwegesa Bibuli omuntu owayikirize akatabo Shemerererwa amagara ebiro byona! (lmd ishomo rya 9 akacweka ka 3)
6. Okuhindura omuntu omwegi
Eceshongoro ca 54
7. Nitwanga kuhurira amaraka g’abu tutari kumanya
(eda. 15) Ekiganiro.
Entama ezishangirwe nizimanya iraka ry’omurisa wazo kandi zimukuratira. Konka nizihunga omuntu oyine iraka eri zitari kumanya. (Yoh 10:5) Ni co kimwe, nituhurira iraka ry’Abarisa b’eby’omwika abine rukundo ari bo, Yehova na Yesu. (Zab 23:1; Yoh 10:11) Konka nitwanga kuhurira amaraka g’abari kubasa kushisha okwikiriza kwitu bakoresize ‘ebigambo by’ebishuba.’—2 Pet 2:1, 3.
Omu Kutandika ekicweka ca kashatu nihagamba obwire obu iraka ry’omuntu otari kumanywa ryagambire omu nsi. Sitane akahika hihi ya Eva yamubihabiha akoresize oburyo oburi kushereka owu ari we. Sitane akerebecesa nka munywani wa Eva, yahindura omu bigambo bya Yehova n’entego zeye. Ekiri kushasha, Eva akamuhurikiza kandi eco kikatuma we n’ab’eka yeye bagira obusaasi.
Omuri obu bwire, Sitane nagezaho kubiba okubanganisa omu bantu ari kugamba kubi ekitongore Yehova, akigambaho amazima agatijwire n’ebishuba ebiri kurebwa butunu. Twahurira iraka ry’omuntu owu tutari kumanya, tushemerire kuhunga! N’obu kwakuba okurihurikizaho kace ahabw’amasiko, ni ec’akabi. Mbehi Sitane akakoresa ebigambo bingahe omu kuhabisa Eva, omu kiganiro kigufu eki bagirine? (Okut 3:1, 4, 5) Kandi shi tukakora ki, yaba omuntu owu turi kumanya ninga ori kutukunda kandi oyine ebigendererwa birungi, yatandika kutugambira ebintu bibi aha kitongore ca Yehova?
Zana VIDIYO Yanga kuhurira ‘iraka ry’owu otari kumanya.’ Bwanyima obuze abakuhurikize ngu:
Ni enki eki wayegera aha ku Jade yatwarize ari na nyina weye otari kwikiriza?
