29 Okwakana–5 Okwakatano
ZABURI 34-35
Eceshongoro ca 10 n’okushaba | Ebigambo by’okutandika (eda. 1)
1. “Himbisa Yehova ebiro byona”
(eda. 10)
Dawudi akaba nahimbisa Yehova n’omu bwire obu yabire ari kuraba omu bigezo (Zab 34:1; w07-E 3/1 22 par. 11)
Dawudi akerata Yehova, omu mwanya g’okwerata aha bweye (Zab 34:2-4; w07-E 3/1 22 par. 13)
Ebigambo bya Dawudi by’okuhimbisa Yehova bikagumya banywani beye (Zab 34:5; w07-E 3/1 23 par. 15)
Dawudi ku yamazire kuruga owa Abimeleki, abashija 400 ababire batari kwenda obugabe bwa Sawulo bakekwatanisa na we omu butayo. (1Sam 22:1, 2) Dawudi nabasa kuba yabire ari kubatecerezaho obu yayeshongwire zaburi yeye.—Zab 34.
YEBUZE NGU:‘Ni bata oku ndi kubasa kuhimbisa Yehova naba ndi kuganira n’omuntu omu nterane z’oburatahe?’
2. Ebintu by’omugasho
(eda. 10)
-
Zab 35:19—Kuba Dawudi yashabire ngu abantu abari kumwanga bareke ‘kumwitanira amisho’ nibimanyisa ki? (w06-E 5/15 20 par. 2)
-
Ni biha bintu by’omugasho ebi washomire omuri Bibuli omuri eyi sande ebi ori kwenda kutugambira?
3. Okushoma Bibuli
(eda. 4) Zab 34:1-22 (th ishomo rya 5)
4. Okutandikisa ekiganiro
(eda. 2) OKUBURIRA OMU BURYO OBUKWATIRWEHO. Ekiganiro kihendere otakamuburire. (lmd ishomo rya 1 akacweka ka 4)
5. Okukuratana omuntu
(eda. 4) OKUBURIRA OMU BURYO OBUKWATIRWEHO. (lmd ishomo rya 2 akacweka ka 4)
6. Okushoborora enyikiriza zawe
(eda. 5) Ecokureberaho. Ijwfq-YW 59—Omutwe: Ni bata oku Abahamya ba Yehova bari kumanya yaba ekiro kikuru kiri kwikirizibwa? (th ishomo rya 17)
Eceshongoro ca 59
7. Oburyo bushatu bw’okuhimbisamu Yehova omu nterane
(eda. 15) Ekiganiro.
Enterane nizituma twatunga oburyo burungi bw’okuhimbisa Yehova. Reba oburyo bushatu.
Ebiganiro: Guma ogambe aha birungi bya Yehova waba ori kuganira n’abandi. (Zab 145:1, 7) Mbehi okashoma ninga wahurira ekintu rero cakugasira? Mbehi hine ebirungi ebi wabwine omu murimo g’okuburira? Mbehi hine omuntu owakugarwiremu amani birabire aha bigambo byeye n’ebikorwa byeye? Mbehi hine ecahangirwe eki wayetegerize kikakushemeza? Ebyo byona ni ebiconco ebiri kuruga ahari Yehova. (Yak 1:17) Guma ohike omu nterane bucari kare kugira ngu obone obwire bw’okuganira n’abandi.
Ebitecerezo: Gezaho kutanga ekitecerezo n’obu cakuba kimwe omu nterane. (Zab 26:12) Nobasa kutanga ecokugarukamu c’ekibuzo eki babuza, oyongera aha bi bagamba, ogamba aha cahandikirwe n’ekishushani ninga oku biri kubasa kutebwa omu bikorwa. Ahakuba n’abandi barije kunyegeza emikono, nobasa kutegura ebitecerezo byingi. Abantu bingi nibija ‘kutamba ekitambo c’okusima Ruhanga’ ebitecerezo byitu byamara amasegonda 30 ninga agatahikireho.—Heb 13:15.
Ebyeshongoro: Yeshongore ebyeshongoro by’Obukama omu iraka rihango. (Zab 147:1) Hine obu batari kubasa kukuha ekitecerezo, na munonga waba ori omu kibina ekirimu abantu bingi, konka nobasa kwekwatanisa omu kweshongora. N’obu wakuba otari kumanya kweshongora ge, wayeshongora oku ori kubasa, mazima nikishemeza Yehova! (2Kor 8:12) Nobasa kwemanyiza ebyeshongoro ori omu ka.
Zana VIDIYO Tumanye amateka gitu—Ekiconco c’ebyeshongoro, ekicweka ca 1. Bwanyima obuze abakuhurikize ngu:
Ni bata oku ekitongore kitu cayerekire ku okweshongora ebyeshongoro by’okuhimbisa Yehova kiri kikuru omu myaka ya juba?
