Rukundo netuma ab’omu ka bagira obumwe. Eka yaba etarimu rukundo, teri kubasa kubamu obumwe n’omutima g’okukwatanisa. Ni bata oku abashija, abakazi, n’abazire bari kubasa kwereka rukundo omu ka?

Omushija oyine rukundo nafa aha bi omukazi weye ari kwetenga, ebitecerezo byeye, n’enyehurira zeye. (Efe 5:28, 29) Nafa aha bi eka yeye eri kwetenga by’omwika n’eby’omubiri, okutwariramu n’okuramya kw’eka kwa burijo. (1Tim 5:8) Omukazi oyine rukundo nayorobera omushija weye kandi ayereka ku namuha ekitinisa. (Efe 5:22, 33; 1Pet 3:1-6) Abatasine nibaba bashemerire kusasirana babyihire aha mutima. (Efe 4:32) Abazire abine rukundo nibereka ku nibafa ahari buri omwe omu bana babo kandi babegesa kukunda Yehova. (Bir 6:6, 7; Efe 6:4) Ni biha bizibu ebi abana bari kubugana ah’ishomero? Ni bata oku bari kusingura ebigezo by’orwingano? Buri omwe omu ka yayereka rukundo, nibatunga obusinge n’oburinzi.

MUREBE VIDIYO ERI KUGIRA NGU YEREKA RUKUNDO OMU KA YAWE, BWANYIMA MUGARUKEMU EBI BIBUZO:

• Ni bata oku omushija oyine rukundo ari kwereka ku nakunda omukazi weye kandi akamuha ebi ari kwetenga?

• Ni bata oku omukazi oyine rukundo ari kwereka ku nayorobera omushija weye?

• Ni bata oku abazire abine rukundo bari kubasa kwegesa abana babo ekigambo ca Ruhanga?