Twagaruka kutayayira abantu ninga turi kubegesa Bibuli, tushemerire kubakwasa kushoborocerwa enshonga nkuru. Ku turi kukoresa ebyokureberaho omu kwereka ezo nshonga, nitubasa kubahika aha mutima kandi kibakwasa kugumizamu kubyijuka.

Waba ori kwetegura kugaruka kutayiyira omuntu ninga kumwegesa Bibuli, tekateka aha nshonga nkuru ezi ori kwenda kumwegesa, okoresize ebyokureberaho. Mbwenuho torana ebyokureberaho byorobi ebi ori kubasa kukoresa by’omu mbera zitu za burijo. (Mat 5:14-16; Mak 2:21; Luk 14:7-11) Yetegereze embera z’ogo muntu n’ebi ari kukora. (Luk 5:2-11; Yoh 4:7-15) Ku orarebe yashemererwa ahabw’okucenga ebi yayega, n’iwe noyija kushemererwa.

MUREBE VIDIYO EYINE OMUTWE OGURI KUGIRA NGU TUNGA OKUSHEMERERWA OMU MURIMO G’OKUHINDURA ABANTU ABEGI​—GIRA OBWENGE OMU MURIMO​—OKUKORESA EBYOKUREBERAHO, BWANYIMA MUGARUKEMU EBI BIBUZO:

• Ahabw’enki abegi ba Bibuli bari kubasa kwetenga kubakwasa kushoborocerwa enyiriri z’omuri Bibuli?

• Ni bata oku Neeta yakoresa ecokureberaho omu kushoborora ebiri omu Barooma 5:12?

• Ni bata oku ebyokureberaho birungi biri kuhika aha mutima gw’abari kutuhurira?

• Ahabw’enki tushemerire kukoresa vidiyo hamwe n’ebindi bikoreso ebi ekitongore kitu kiri kutuha twaba turi omu murimo g’okuburira?