Okuhana nibimanyisa kutanga obuhabuzi, n’okwegesa, konka nambwenu nibitwariramu kukwasa omuntu. Yehova natuhana kugira ngu tubase kumuramya omu buryo obu ari kwikiriza. (Rom 12:1; Heb 12:10, 11) Hine obu ekihano kiri kubasa kushasha, konka nikikwasa omuntu kutunga emigisha n’okukora ebihikire (Enf 10:7) Ni enki eki abari kuhana n’abari kuhanwa bashemerire kwijuka?

Abari kuhana. Abazehe, abazire, n’abandi bashemerire kugezaho kuhana bine rukundo n’embabazi bari kutoreza Yehova. (Yer 46:28) N’ebihano bigumire bishemerire kutangwa omu buryo oburi kubuganisa n’embera kandi omuri rukundo.—Tit 1:13.

Abari kuhanwa. Oburyo bwona obu bakutuhanamu, tushemerire kugezaho kuhika turi kukuratiza obuhabuzi obu batuha. (Enf 3:11, 12) Ahakuba tutahikirire, twena nitwetenga kuhanwa, omu buryo obutari bumwe. Nitubasa kuhanwa birabire aha bi twashoma omuri Bibuli ninga ebi twahurira omu nterane. Hine n’abari kwetenga kuhanwa birabire ahari komiti y’eby’orubanja. Twayikiriza ekihano kandi tukakuratiza obuhabuzi obu batuha nitwija kushemererwa kandi tutunge amagara agatahwaho.—Enf 10:17.

MUREBE VIDIYO ERI KUGIRA NGU YEHOVA NAHANA OWU ARI KUKUNDA, BWANYIMA MUGARUKEMU EBI BIBUZO:

• Ni ziha mbera ezi Canon yabire arimu obu yabire acari omwana, kandi shi zikahinduka zita?

• Ni kiha kihano eki Canon yatungire ekiri kuruga ahari Yehova?

• Ni enki eki turi kwegera aha byamuhikireho?