Ahakuba turi aha biro by’emperu by’aha muheru tushemerire kwehangana ahabw’okuba ebintu nibikizaho kuba bibi munonga. (2Tim 3:1; Mat 24:8) Abahereza ba Yehova ku bari kuhikwaho ebihikirizi nibahebwa obuhabuzi ahonaho oburi kubasa kukiza amagara gabo. Kugira ngu tubase kurokoka ebihikirizi, tushemerire kwetegura kwiha hati omu buryo bw’omwika n’omuburyo bw’omubiri.​—Luk 16:10.

• Okwetegura omu buryo bw’omwika: Gira entebekanisa ndungi. Guma oyemanyize kuburira omu buryo obutari bumwe. Otaguma kutina wamara obwire buce bakutanisize n’abandi ab’omu kibina. (Isa 30:15) Yehova na Yesu nibaba bari hamwe n’iwe.​—od 176 par. 15-17

• Yetegure omu buryo bw’omubiri: Buri eka eshemerire kuba eyine ekikapa kirimu ebintu ebi bari kwetenga, ebyokurya, amizi, emibazi n’ebindi ebiri kubasa kubayamba omu bwire obu bashabwa kumara obwire burigwa ahantu hamwe.​—Enf 22:3; g17.5 4, 6

MUREBE VIDIYO ERI KUGIRA NGU MBEHI OYETEGWIRE EBIHIKIRIZI? BWANYIMA MUGARUKEMU EBI BIBUZO:

• Ni bata oku turi kubasa kwetegura ebihikirizi omu buryo bw’omwika?

• Ahabw’enki tushemerire kuguma . . .

  • kugambira abazehe amakuru gitu?

  • kutegura ekikapa ekirimu ebintu ebiri kubasa kutuha obuyambi bwa juba?

  • kumanya emiringo y’ebihikirizi ebiri kubasa kutuhikaho n’eki turi kubasa kukora?

• Ni biha bintu bishatu ebi turi kubasa kukora kugira ngu tuyambe abandi habaho ebihikirizi?

YEBUZE NGU, ‘Ni gaha mashomo agakwatirine n’okwetegura agu nayegire aha ndwara ya COVID-19?’