Ahabw’okuba turi abantu abatahikirire, nitutura omu rutaro rw’okurinda ebyetengo byitu ngu bitatutegeka. Twabyikiririza kututegeka, Yehova nabasa kutagumizamu kutwemera. Ecokureberaho: Abamwe nibikiriza ngu ebyokurya, ebijwaro, n’ah’okutura, bishishe rukundo eyi bari kukunda Ruhanga. Abandi bo nibahazya ebyetengo byabo kandi bari kwetantara emisinge ya Ruhanga. (Rom 1:26, 27) Konka hariho n’abandi abari kwikiriza ngu ab’orwingano rwabo babageme kukora ebibi, ahabw’okugira ngu babemere.​—Kur 23:2.

Ni bata oku turi kubasa kutegeka ebyetengo byitu? Tushemerire kufa aha bintu by’omwika tutiremu amani. (Mat 4:4) Nambwenu, tushemerire kweshengereza Yehova ngu atukwase kutegeka ebyetengo byitu. Ahabw’enki? Ni ahabw’okuba natumanya kukira oku turi kwemanya kandi namanya oburyo burungi bw’okuhazya ebyetengo byitu.​—Zab 145:16.

MUREBE VIDIYO EYINE OMUTWE OGURI KUGIRA NGU OTAYIKIRIRIZA ABARI KUKUGEMA KURESA, BWANYIMA MUGARUKEMU EBI BIBUZO:

• Ahabw’enki abantu bamwe bari kuresa?

• Okuresa nikibasa kukugiraho ziha ngaruka?

• Ahabw’enki esigara na shisha byombi biri bibi?​—2Kor 7:1

• Ni bata oku ori kubasa kwangira abari kukugema kuresa ninga kucweka ahari ogo muze?