Kugira ngu abegi ba Bibuli bashemeze Ruhanga, bashemerire kugira okwikiriza kugumire. (Heb 11:6) Nitubasa kubahika aha mutima turi kukoresa ekitabo Shemerererwa amagara ebiro byona! Eki kitabo kirimu ebyahandikirwe bikuru, ebitecerezo bigufu, ebibuzo birungi, vidiyo zinuzire, n’ebishushani bibonire. Twakwasa abegi kugira emicwe y’Abakristo kandi tukabakwasa kugira obunywani bugumire na Ruhanga, nituba turi kombekesa ebikoreso ebitari kokibwa n’omuriro.​—1Kor 3:12-15.

Abantu abamwe nibahurira kigumire kuba munywani wa Ruhanga, kandi tutari kubasa kumureba. Ni yo nshonga tushemerire kubakwasa kumanya ge Yehova kandi bakamwesiga.

MUREBE VIDIYO EYINE OMUTWE OGURI KUGIRA NGU BAKWASE KWIKIRIZA YEHOVA ORI KUKORESA “SHEMERERERWA AMAGARA EBIRO BYONA!” BWANYIMA MUGARUKEMU EBI BIBUZO:

• Ni enki ekiri kwereka ngu ogu munyanyazi abire ategwire ge ecegeso?

• Ni bata oku yakoresa otundi tubuzo tw’obwenge kugira ngu akwase omwegi kugamba eki ari kutecereza aha biri omuri Isaya 41:10, 13?

• Ni bata oku vidiyo n’enyiriri z’ebyahandikirwe byakwata aha mwegi?

Abantu bingi tibari kushoborocerwa encungu; ninga shi tibari kuhurira ku eri ekiconco eki Ruhanga yabahire bo aha kiti cabo. (Gal 2:20) Obwe rero, tushemerire kubakwasa kukizaho kwikiriza ekitambo ca Yesu.

MUREBE VIDIYO EYINE OMUTWE OGURI KUGIRA NGU BAKWASE KWIKIRIZA YESU ORI KUKORESA “SHEMERERERWA AMAGARA EBIRO BYONA!” BWANYIMA MUGARUKEMU EBI BIBUZO:

• Ni enki ekiri kwereka ngu ogu mwenetata abire ategwire ge ecegeso?

• Ni bata oku yakoresa akashanduku ka “Condoza” akakwasa omwegi?

• Ahabw’enki kiri ec’omugasho kushabira omwegi?