Okusibwa, okukangisibwa, n’entaro nibyija kukizaho kweyongera oku egi nsi eri kugenda nehika aha muheru. (Kush 6:4) Ni bata oku turi kubasa kwetegura ebyo bizibu eby’omu misho?

• Yetegure omu buryo bw’omwika: Rondesa emisinge y’omuri Bibuli n’enkuru ebiri kukukwasa kukizaho kwesiga Yehova n’ekitongore ceye, kandi ebirakukwase okutagwera rubaju. (Emi 12:5; jr 125-126 par. 23-24) Obu ni bwo bwire bw’okugumya obunywani bwitu na benetata na banyanyazi b’omu kibina kitu.​—1Pet 4:7, 8

• Yetegure omu buryo bw’omubiri: Muganire aha mwanya ogu muri kubasa kuhungiramu kandi mwetegurire n’ebyo kubabisaho ebiringanire. Nambwenu, muteho oburyo bw’okuhunga. Mutegure ekikapu kandi mutemu otwanguhi n’esente. Mwege oku muri kubasa kumanyisa abazehe amakuru, kandi na bo bakamanya aganyu.​—Isa 32:2; g17.5 3-7

• Omu bwire bw’okusibwa: Gumizamu entebekanisa yawe y’eby’omwika. (Fil 1:10) Yerinde kugendagenda, shana waba oyine enshonga. (Mat 10:16) Yamba abandi aha byokurya n’ebindi.​—Rom 12:13

MUREBE VIDIYO ERI KUGIRA NGU MBEHI OYETEGWIRE EBIHIKIRIZI? BWANYIMA MUGARUKEMU EBI BIBUZO:

• Ni bata oku Yehova ari kubasa kutukwasa omu bwire bw’ebihikirizi?

• Ni biha bintu ebi turi kubasa kukora turi kwetegura?

• Ni bata oku turi kubasa kuyamba abandi abahikirweho n’ebigwererezi?