Amaraka ga Bibuli ni enki? Ni amaraka ga Bibuli y’Obuhinduzi bw’ensi ensya eyagarukirwemu. (revised New World Translation) Negenda eri kushohoka mporampora omu ndimi nyingi oku kiri kubasika. Ekindi kintu ekiri kutuma ago maraka ga Bibuli gaba ag’omutano, ni oku buri muntu ori kugambwa omuri Bibuli ari kuba yakwasirwe ageye. Ebigambo ebirimu nibishomwa biri kusindagirizibwa kandi batamu enyehurira kugira ngu obutumwa bw’omuri Bibuli bushohoke ge.

Ni bata oku bamwe bari kugasirwa n’amaraka ga Bibuli? Abingi abari kuhurikiza amaraka ga Bibuli burijo nibakunda oku biri kutuma Ekigambo ca Ruhanga caba eca buzima ahari bo. Ku bari kuhurikiza abakwasirwe amaraka g’abari kugambwa omuri Bibuli abatari kushushana, nikituma bayehuriza ge enkuru eri kugambwa omuri Bibuli kandi bakizaho kuyishoborocerwa. (Emi 4:5) Nambwenu abantu bingi ku bari kuhurikiza amaraka ga Bibuli nikituma batuza ku bari kuba bemerize omutima.​—Zab 94:19.

Twahurikiza Ekigambo ca Ruhanga kiri kushomwa omu iraka eriri kuhurirwa nikituhindura. (2Bus 34:19-21) Mbehi Bibuli ekwasirwe amaraka yaba eriho omu bicweka ninga shi yona omu rurimi oru ori kuhurira, tori kubasa kweteraho entego y’okuguma kuyihurikiza waba ori kweyegesa?

MUREBE VIDIYO ERI KUGIRA NGU OKU AMARAKA GA BIBULI GARI KUKWATWA—AKACWEKA, BWANYIMA MUGARUKEMU EKI KIBUZO:

Ni enki ecakutangaza aha bikwatirine n’oku amaraka ga Bibuli gari kukwatwa?