BA OMUKRISTO MURUNGI

Mbehi oyetegwire ebizibu by’akasente?

ZAANA

Tikiri kututangaza twareba ebintu ebiri kuba omu nsi biri kutuma habaho ebizibu by’akasente. Ahabw’enki? Ni ahabw’okuba twahika hare omu biro by’emperu kandi Bibuli neturabura ngu tutayesiga ‘obutungi obutari kwesigwa.’ (1Tim 6:17; 2Tim 3:1) Ni enki eki turi kwegera aha cokureberaho ca Yehoshafati aha bikwatirine n’okwetegura bucari kare embera mbi z’eby’akasente?

Yehoshafati ku yatinatinisibwe n’abangi b’ihanga ryeye, akesiga Yehova. (2Bus 20:9-12) Nambwenu akategura ihanga bucari kare ari kombeka engo zigumire kandi ari kutaho ebigo by’amahe. (2Bus 17:1, 2, 12, 13) Nk’oku Yehoshafati yakikozire, tushemerire kwesiga Yehova kandi tukagira eki twakora kugira ngu twetegure embera zigumire.

NI ENKI EKI TURI KUBASA KUKORA KUGIRA NGU TWETEGURE EBIZIBU BY’AKASENTE?

Yetegure omu by’omwika: Guma oyemanyize kumarwa kandi okizeho kwesiga ku Yehova arije kukuha ebi ori kwetenga. (Mat 6:26; 1Tim 6:8) Maririra kutehuzya emisinge ya Bibuli kugira ngu otunge ebi ori kwetenga. (Rom 2:21) Guma oyetegure bucari kare oku orije kubona ebyokurya by’omwika, amashanyarazi ninga intaneti byaba bitariho. Guma ogire ebitabo ebicapire ebi wayebikira kandi caba kiri kubasika, oyihe ebitabo aha rubuga rwitu bucari kare.

Yetegure omu by’omubiri: Guma ocendeze amabanja kandi oyerinde kugura ebintu ebitari kwetengwa ebizibu by’akasente bitakakuhikireho. (Emi 22:7) Caba kiri kubasika, gira ebyokurya n’ebindi bintu ebiri kwetengwa ebi wabika. Abamwe nibabasa kuhinga akasiri k’emboga kugira bacendeze aha sente ezi bari kukoresa.

MUREBE VIDIYO ERI KUGIRA NGU MBEHI OYETEGWIRE EBIHIKIRIZI? BWANYIMA MUGARUKEMU EBI BIBUZO:

Ni biha bintu ebi buri omwe omuri itwe ari kubasa kukora kugira ngu ayetegure ebihikirizi?

Your answer

Ni bata oku turi kubasa kwetegura ngu tukwase abandi?

Your answer

AKATABO K’OMUKRISTO N’OMURIMO G’OKUBURIRA