Bibuli erimu eshara nyingi ezi Yehova yagenzire ari kugarukamu. Abahereza ba Ruhanga ku babire nibareba oku Yehova ari kubahurikiza kandi akabafaho, hatariho okubanganisa kikaba nikigumya okwikiriza kwabo. Ni ahabw’eco, tushemerire kushoborora ge ekintu cona omu kushaba kandi bwanyima twetegereza yaba Yehova agarukiremu eshara yitu. Oyijuke ku ari kubasa kutuha ecokugarukamu ekiri kutana n’eki tubire nitwenda ninga shi ekirengire aha ki tubire nitutekerezaho. (2Kor 12:7-9; Efe 3:20) Ni bata oku Yehova ari kubasa kugarukamu eshara ezi twamugambira?

• Natuha amani g’omubiri, g’omu nyehurira ninga ag’omu buryo bw’omwika kugira ngu tubase kwehanganira ekizibu.​—Fil 4:13

• Natuha obwenge bw’okukora ensharamu ndungi.​—Yak 1:5

• Natutamu ecetengo n’amani g’okukora.​—Fil 2:13

• Natuma twatuza twaba twemerize omutima. —Fil 4:6, 7

• Natuma abandi batugumya omu mubiri n’omu nyehurira. —1Yoh 3:17, 18

• Nakwasa abu twamugambira omu kushaba.​—Byak 12:5, 11

MUREBE VIDIYO ERI KUGIRA NGU YEHOVA NI RUHANGA ‘ORI KUHURIRA OKUSHABA,’ BWANYIMA MUGARUKEMU EBI BIBUZO:

• Ni bata oku ecokureberaho ca mwenetata Shimizu kiri kutugaruramu amani twaba turi kukora bice ahabw’oburwire?

• Ni bata oku turi kubasa kutoreza ecokureberaho ca mwenetata Shimizu?