Twayeteraho entego z’eby’omwika, nituba twakoresa ge amani gitu. (1Kor 9:26) Entego nizitukwasa kukoresa ge obwire obwasigarayo ngu emperu y’egi nsi ehike. (Efe 5:15, 16) Mbehi omu kuramya kw’eka, timuri kubasa kweteraho entego z’omwaka g’omurimo ogu twaza kutandika? Kugira ngu tubakwase, omuri aka katabo k’Omukristo tukatamu ebicweka ebiri kugamba aha ntego ezitari zimwe ezi ori kubasa kushwijuma kandi okazigambira Yehova omu kushaba.​—Yak 1:5.

Ecokureberaho: Mbehi abagizire eka, tibari kubasa kushagika yenda omuntu omwe akaba omupayoniya w’obwire bwona? Yaba ori kubanganisa aha kwijuza amashaha, nobasa kubuza abapayoniya abari omu mbera nk’ezawe. (Emi 15:22) Nimubasa n’okugira eki mwabuza omupayoniya muri omu kuramya kw’eka kwanyu. Bwanyima, muhandike entebekanisa zona ezirabakwase kwijuza amashaha. Yaba wabukozireho konka okabwemereza, shwijuma yaba embera zahindukire rero oshube obukore.

Mbehi omu ka yanyu harimu abari kubasa kuba abapayoniya b’omuyambi okwezi kumwe ninga mingi? Yaba oyine amani mace, nobasa kuburiraho obwire buce burizoba kandi obasa kwijuza. Waba otari kuboneka omu mizizi ahabw’omurimo ninga ishomero, nobasa kureba okwezi okurimu ekihumuro ninga emperu z’esande itano, rero obukora. Murebe ahari kalenda obwire obu murakorereho obw’obuyambi, obundi muhandike entebekanisa y’amashaha.​—Emi 21:5.

MUREBE VIDIYO ERI KUGIRA NGU GIRA OBUMANZI . . . OMUPAYONIYA, BWANYIMA MUGARUKEMU EKI KIBUZO:

• Ebyahikire ahari munyanyazi Aamand nibituhamiza bita ku Yehova ari kufa ah’abari kweferereza bakaba abapayoniya?