Yehova nayenda ngu abagizire amaka bashemerererwe. (Zab 127:3-5; Mub 9:9; 11:9) Konka, okushemererwa nikubasa kubura ahabw’ebizibu by’eyi nsi, n’enshobe z’abagizire eka. Ni enki eki buri omwe omu bagizire eka ari kubasa kukora kugira ngu batunge okushemererwa?

Omushija ashemerire kuha omukazi weye ekitinisa. (1Pet 3:7) Namara obwire na we. Tari kumushaba ebi atari kubasa kandi nayereka ku ari kumusima ahabwa byona ebi ari kumukorera n’ebi ari kukorera eka yona. (Kol 3:15) Namwereka ku namukunda kandi amugambaho ebirungi.​—Emi 31:28, 31.

Omukazi ashemerire kuronda oburyo bw’okushagikamu omushija weye. (Emi 31:12) Namworobera kandi akora na we omu bumwe. (Kol 3:18) Nagamba na we omu muringo murungi kandi amugambaho ge.​—Emi 31:26.

Abazire bashemerire kuha abana babo obwire oburi kumara. (Bir 6:6, 7) Bashemerire kugambira abana babo ku bari kubakunda. (Mat 3:17) Ku bari kuba nibabahana bashemerire kubereka ku nibabakunda kandi ku babikora omu bwenge.​—Efe 6:4.

Imwe bana mwe, muhe abazire banyu ekitinisa kandi muborobere. (Emi 23:22) Abana bashemerire kugambira abazire babo enyehurira zabo n’ebi bari kutecereza. Nibikiriza ekihano eki abazire babo bari kubaha kandi babaha ekitinisa.​—Emi 19:20.

MUREBE VIDIYO ERI KUGIRA NGU KWASA EKA YAWE KUBAMU OKUSHEMERERWA, RERO MUGARUKEMU EKI KIBUZO:

Ni enki eki buri omwe yakozire kugira ngu arete okushemererwa omu ka?