GIRA AMANI OMU MURIMO G’OKUBURIRA | YONGERA OKUSHEMERERWA OMU MURIMO G’OKUBURIRA
Yikiriza obuyambi bw’ababurizi bagenzi bawe
Yehova natukwasa akoresize ‘benetata b’omu nsi yona’. (1Pet 5:9) Nibatukwasa kusinga ebizibu ebi turi kubugana omu murimo g’okuburira. Ecokureberaho: Entumwa Pawulo akagasirwa n’obuyambi obu Akwila na Purisikila, Sila, Timoteyo n’abandi bamuhire.—Byak 18:1-5.
Ni bata oku ababurizi bagenzi bitu bari kukukwasa omu murimo g’okuburira? Nibabasa kukwereka oku wakusinga ebizibu ebi ori kubugana omu murimo g’okuburira, okugarukayo kutayayira omuntu, okugaba ebitabo ninga kwegesa omuntu Bibuli. Tecereza aha muntu w’omu kibina canyu ori kubasa kukuha obuyambi obu ori kwetenga kandi obimugambire. Hatariho okubanganisa mwembi nimwija kugasirwa kandi mutunge okushemererwa.—Fil 1:25.
[Ekishushani ahari peji ya 11]
MUREBE VIDIYO EYINE OMUTWE OGURI KUGIRA NGU TUNGA OKUSHEMERERWA OMU MURIMO G’OKUHINDURA ABANTU ABEGI—YIKIRIZA OBUYAMBI BWA YEHOVA—BENETATA, BWANYIMA MUGARUKEMU EBI BIBUZO:
-
Ni bata oku Neeta yahiga Jade kuza omu nterane?
-
Ahabw’enki tushemerire kweta abandi baburizi ngu bagende n’itwe twaza kwegesa omwegi Bibuli?
-
Ab’omu kibina bona nibayamba omu kutunguka k’omwegi
Ni biha bintu ebi Jade na Abigay babire babuganireho?
-
Ni biha bintu ebikwatirine n’omurimo g’okuburira ebi ababurizi bagenzi bawe bari kubasa kukwegesa?
