Omwiruki naba ashemerire kugumizamu kwemanyiza kugira ngu ayije kusinga omu mpaka. Ni co kimwe, n’itwe tushemerire kutaho amani kugira tumanyize obushoborozi bwitu bw’okutekateka. (Heb 5:14) N’obu akingi turi kubasa kutoreza eby’abandi, tushemerire kumanyiza obushoborozi bwitu bw’okutekateka kandi tukora ensharamu aha bwitu. Ahabw’enki? Ahakuba buri omwe omuri itwe aryayegambirira aha bw’ensharamu ezi yakozire.—Rom 14:12.

Titushemerire kutekateka ngu kukora ensharamu ndungi nikija kutworobera ahakuba tumazire emyaka myingi omu mazima. Kugira ngu tukore ensharamu ndungi tushemerire kwesiga Yehova omu bwijwire, Ekigambo ceye n’ekitongore ceye.—Yos 1:7, 8; Enf 3:5, 6; Mat 24:45.

MUREBE VIDIYO EYINE OMUTWE OGURI KUGIRA NGU “GUMIZAMU KUGIRA OMUNTUWOMUNDA MURUNGI,” BWANYIMA MUGARUKEMU EBI BIBUZO:

• Ni eha nsharamu eyi Emma yabire ashemerire kukora?

• Ahabw’enki tushemerire kwerinda kukora ebintu turi kwihirira aha muntuwomunda witu?

• Ni buha buhabuzi bw’obwenge obu omushija n’omukazi bahire Emma?

• Ni nkahe ahu Emma yayihire obuhabuzi obwamukwasize aha mbera ezi yabire arimu?