Omu Kwikuminakumi, nitwija kuta amani omu murimo g’okuburira turi kugamba aha nsi ensya eri hihi kwija. (Zab 37:10, 11; Kush 21:3-5) Gira ebi wahindura kugira ngu oyekwatanise omuri eyo kampeyini omu bwijwire. Ku orisharamu kuba omupayoniya w’omuyambi omuri oko kwezi, noyija kuba ori kubasa kukora amashaha 30 ninga 50.

Yetegure kuburira abantu bingi oku biri kubasika ebikwatirine n’ensi ensya. Waba ori kutorana enyiriri z’omuri Bibuli ezi ori kubasa kukoresa, shwijuma oku zirije kuhika aha mutima abantu b’omuri teritori yawe. Waganira n’omuntu aha murundi g’okubanza akereka ku yakunda amazima, muhe Omunara g’Omurinzi gw’abantu bona No. 2 2021. Bwanyima ogumizemu kutayayira ogo muntu kandi otandike kumwegesa Bibuli okoresize akatabo Shemerererwa amagara ebiro byona! Ku nikishemeza okuhugira omu murimo g’okugambira abandi ‘[obutumwa] burungi bw’ebigambo birungi’!—Isa 52:7.

MUREBE VIDIYO Y’ECESHONGORO EKISHANGIRWE EKIRI KUGIRA NGU ENSI NSYA YIJA, BWANYIMA MUGARUKEMU EBI BIBUZO:

• Ni gaha masiko g’omuhendo agu akahara akacari kato kabire kari kutecerezaho?

• Ni biha bintu ebi ori kwenda kureba omu nsi ensya?

• Ni bata oku kutecereza aha masiko agu oyine kiri kubasa kukukwasa kwetegura kwija kwekwatanisa omuri kampeyini y’omu Kwikuminakumwe omu bwijwire?—Luk 6:45