Abakristo abine amaka marungi nibaha Yehova ekitinisa, kandi eco nikituma omushija n’omukazi batunga okushemererwa. (Mar 10:9) Kugira ngu Abakristo babase kwehanganira ebizibu kandi batunge okushemererwa omu maka gabo, bashemerire kukuratiza emisinge ya Bibuli baba bari kutorana owu baritasana na we.

Ni kirungi kutandika kusigurana n’ondijo muntu waba oherize kuruga omu myaka y’obunyeto, obwire obu ebyetengo by’eby’okuterana biri kubasa kukuhabisa. (1Kor 7:36) Guma okorese ge obwire obu ori kuba otakagizire owu watasana na we omu kugumya obunywani bwawe na Ruhanga n’omu kugira emicwe mirungi y’Abakristo. Bwanyima, eco kiryakukwasa kugira eka ndungi.

Waza kusharamu owu oritasana na we, guma okwate obwire kugira ngu omanye ge omuntu ‘w’omunda omu mutima.’ (1Pet 3:4) Wagira ebi wamubanganisaho, mubiganireho muri hamwe. Nk’oku kiri aha bundi bunywani bw’abantu, okutasana n’omuntu kishemerire kuba nikikira ebi ori kutanga kukira ebi ori kuhebwa. (Fil 2:3, 4) Wakuratiza emisinge ya Bibuli otakatahize, noyija kuba ori kweteraho omusingi murungi g’okwija kugira eka eshemerirwe omu kubaho kwawe.

MUREBE VIDIYO ERI KUGIRA NGU OKWETEGURA OKUZA OMU MAKA—EKICWEKA CA 3: “TEKATEKA EKI BIRI KUTWARIRAMU” BWANYIMA MUGARUKEMU EBI BIBUZO:

• Ni bata oku obunywani bwa munyanyazi na Shane bwakirizeho kuguma?

• Ni enki eki munyanyazi yabasize kumanya, oku obunywani bwabo bwakirizeho kuguma?

• Abazire beye bakamukwasa bata, kandi shi ni ziha nsharamu ndungi ezi yakozire?