Peji y’ah’okubaza y’aha rubuga rwitu n’eba eriho ebicweka na za vidiyo ebyakorirwe kukwasa abantu bona abine emitima mirungi. (Byak 13:48) Emirundi myingi nihaba hariho ebintu ebiri kugambwa omu makuru, ninga ebi abantu bari kukira kutecereza n’ebi bari kukira kugambaho.

Ni bata oku ori kubasa kukoresa peji y’ah’okubanza y’ahari jw.org omu murimo g’okuburira?

• Guma orebe ebiri aha rubuga rwitu burijo. Guma orebe ebintu ebigireho juba, kandi orebe oku ori kubasa kubikoresa ori kuburira omuntu owayesimira amazima. (Kugira ngu omanye ebyashohwire juba, nyiga ahahandikire ngu: “Reba byingi” ahari peji y’okubanza.) Okutura ori kureba aha rubuga rwitu nibyija kukukwasa kukora kurungi omurimo g’okuburira.

• Koresa ebicweka na za vidiyo ebiri ahari peji y’ah’okubanza omu kutandikisa ebiganiro. Ebyo bikoreso nibibasa kutukwasa kumanya ebi abantu b’omuri teritori yitu bari kutecereza.

• Guma oyereke omuntu ebiri ahari peji y’ah’okubanza. Mwereke ekicweka ekiri kubasa kumukwasa kandi omwereke oku ari kubasa kukoresa orwo rubuga.

• Guma osindikire abantu za linki. Abantu bamwe tibari kukunda kuganira n’itwe konka nibikiriza kushoma ebiri aha rubuga rwitu. Obwe rero otari reka kusindikira omuntu owayesimira amazima linki eri kumutwara aha kicweka ninga vidiyo ebiri ahari peji y’okubanza y’aha rubuga rwitu.