BA OMUKRISTO MURUNGI

Kwasa abantu abatine edini kumanya Omuhangi wabo

ZAANA

Mbehi hine obu wahurire otari kwenda kuburira omuntu otine edini, ori kutecereza ku atari kubasa kwakira amazima? Caba kiri kisyoya, ogume oyijuke ku hariho abantu bingi ababire batine amadini, nangwa batari n’okwikiriza ku hariho Ruhanga abahikire aho bakaba Abahamya ba Yehova. Emirundi myingi, abo bantu eki babire bari kwetenga ni okubakwasa kushwijuma ebihamya ebiri kwereka ku hariho Ruhanga.—Rom 1:20; 10:14.

MUREBE VIDIYO ERI KUGIRA NGU GUMA OYIJUKE KU ABANTU ABATINE OKWIKIRIZA BARI KUBASA KUKUGIRA!—ABANTU ABATINE EDINI, BWANYIMA MUGARUKEMU EKI KIBUZO:

Ni bata oku ebyahikire ahari Tommaso biri kwereka ku tushemerire kureba ebirungi omu bantu abatine edini twaba turi kubaburira?

Ec’okugarukamu cawe

Oku ori kubasa kukikora

Omuntu yayereka ku atari kwikiriza Ruhanga, guma omuganirize ge, okikore omu bwenge kandi ogezeho kufa aha nyehurira zeye n’ebitecerezo byeye mwaba muri kuganira. (2Tim 2:24) Muganire aha bintu ebiri kumushemeza. Mbehi nabasa kwikiriza muganira aha bintu ebiri kwereka ku hariho Omuhangi? Yaba ari kubyikiriza koresa ebitabo na za vidiyo ebiri kubigambaho. Akatabo akari kugira ngu Mbehi amagara gakahangwa na Obukomoko bw’amagara—Ebibuzo bitano ebiri kubuzibwa bukongerwa omu bikoreso ebi turi kukoresa omu kwegesa abantu Bibuli kugira ngu tubase kubuhikaho omu buryo bworobi.

Omu kubanza nobasa kuhurira wagira obwoba bw’okuganira n’omuntu otari kwikiriza Ruhanga. Mbwenu shi tori kubasa kushaba omuburizi omanyirire akakuyamba? Guma oyijuke ku twena Yehova ari kubasa kutukoresa omu kukwasa abantu abine emitima mirungi, n’obu bakuba batari kwikiriza ku hariho Ruhanga.—Byak 13:48.

AKATABO K’OMUKRISTO N’OMURIMO G’OKUBURIRA