1. Ni enki eki Omukristo owabatizibwe ashemerire kugumizamu kukora?

MBEHI okabatizibwa? Caba kiri kisyoya, okereka omu misho ga bona ku ori kwikiriza Yehova kandi ku ori kwenda kumuhereza ori kwekwatanisa n’ekitongore ceye. * Konka okwikiriza kwawe kushemerire kugumizamu kukura. Kandi oshemerire kugumizamu kwesiga ku Yehova ari kukoresa ekitongore ceye omuri obu bwire.

2-3. Ni bata oku Yehova ari kwebembera ekitongore ceye omuri obu bwire? Gamba ebyokureberaho.

² Omuri obu bwire, Yehova nayebembera ekitongore ceye kituma twayerebera emitwarize yeye, ekigendererwa ceye n’emisinge yeye. Twaza kushwijuma emitwarize ishatu ya Yehova eyi turi kureba omu kitongore ceye.

³ Og’okubanza: Ruhanga tari kushorora. (Byak 10:34) Rukundo ekatuma Yehova yahayo Omwana weye ngu ‘acungure abantu bona.’ (1 Tim 2:6; Yoh 3:16) Yehova nakoresa abahereza beye kugira ngu baburire obutumwa burungi abantu bona abari kwenda kubuhurira, rero bije kucungurwa ahabw’ekitambo. Ogwa kabiri: Yehova ni Ruhanga w’entebekanisa n’obusinge. (1 Kor 14:33, 40) Ni yo nshonga abari kumuramya bari kumuhereza omu businge kandi bine entebekanisa. Ogwa kashatu: Yehova ni Omwegesa mukuru. (Isa 30:20, 21) Ni yo nshonga ekitongore ceye kiri kuta omutima aha kwegesa Ekigambo ceye omu kibina n’omu murimo g’okuburira. Ni bata oku Abakristo b’omu kinyigana c’okubanza bayerekire eyo mitwarize  ya Yehova? Ni bata oku abahereza ba Yehova bari kwereka eyo mitwarize omuri obu bwire? Kandi shi ni bata oku omwika oguri kwera guri kubasa kutukwasa kuhereza Yehova turi kwekwatanisa n’abahereza beye omuri obu bwire?

4. Nk’oku kiri kugambwa omu Byakozirwe 1:8, ni enki eki Yesu yaragire abakurasi beye kukora, kandi shi ni buha buyambi obu yabire abaraganisize?

⁴ Omu kinyigana c’okubanza. Obutumwa obu Yesu yaburire bukaha amasiko abantu bona. (Luk 4:43) Akaragira abakurasi beye kugumizamu omurimo ogu yatandikire, ni okugamba okuhamya ‘okuhisya aha muheru gw’ensi.’ (Shoma omu Byakozirwe 1:8.) Konka, bakaba batari kubasa kukora ogo murimo ahabw’amani gabo. Bakaba nibetenga omwika oguri kwera, ni okugamba “omuhwezi” owu Yesu yabire abaraganisize.—Yoh 14:26; Zek 4:6.

5-6. Ni bata oku omwika oguri kwera gwakwasize abakurasi ba Yesu?

⁵ Abakurasi ba Yesu bakatunga omwika oguri kwera ahari Pentekoote omu mwaka gwa 33 B.Y. Ahabw’obuyambi bw’omwika oguri kwera bakatandika kuburira kandi omu bwire buce abantu bingi bakiriza obutumwa burungi. (Byak 2:41; 4:4) Ku habireho okuhiganisibwa abegi tibaratinire ahobwe bakashaba Ruhanga obuyambi. Bakashaba ngu: ‘Obasise abahuku bawe kugamba ekigambo cawe n’obumanzi bwona.’ Bwanyima bakijura omwika oguri kwera kandi bagumizamu ‘kugamba ekigambo ca Ruhanga n’obumanzi.’—Byak 4:18-20, 29, 31.

⁶ Abegi ba Yesu bakabugana ebindi bizibu. Ecokureberaho: Emizingo ekaba eri mice. Hakaba hatariho ebikoreso by’okwegesezamu Bibuli nk’onku tubyine omuri obu bwire. Kandi abegi bakaba bashemerire kuburira abantu abari kugamba endimi ezitari kushushana. N’obu abo begi barabire omu bizibu byingi bakakora omurimo ogwabire guri kurebeka nk’ogutari kubasika. Omu myaka nka 30 bakaba baburire obutumwa burungi ‘ebihangirwe byona eby’aha nsi y’iguru.’—Kol 1:6, 23.

7. Omu myaka eri kurenga 100 ehwire, ni bata oku Abahamya ba Yehova bamanyire eki Yehova ari kwenda ngu bakore, kandi shi bakakora ki?

⁷ Omuri obu bwire. Yehova acagumizamu kwebembera abahereza beye n’okubaha amani kugira ngu bakore ebi ari kwenda. Nabebembera akoresize Ekigambo ceye ecahandikisibwe omwika oguri kwera. Omuri Bibuli nitushangamu enkuru z’omurimo gwa Yesu n’oku yaragire abakurasi beye kugumizamu kukora omurimo ogu yatandikire. (Mat 28:19, 20) Magazini y’Okwamushanju 1881, ekagamba ngu: “Yehova taratwesire kugira ngu tutunge ekitinisa ninga shi ngu tube abagiga ahobwe akatutorana kugira ngu tukorese byona ebi twine omu kuburira obutumwa burungi.” Akatabo k’omuri 1919 akabire kari kugamba aha baburizi kakagira ngu: “Hariho byingi by’okukora konka ogu ni omurimo g’Omugabe, obwe rero naza kutuha amani agu turi kwetenga.” (To Whom the Work Is Entrusted) Mazima, nk’oku cabire aha Bakristo ab’omu kinyigana c’okubanza, abo benetata bakaba bine obumanzi kandi bakakora n’amani bari kwesiga ku omwika oguri kwera gurabakwase kuburira abantu b’emiringo yona. N’itwe omuri obu bwire nitwesiga ku omwika oguri kwera gurije kutukwasa.

8-9. Ni eha ntebekanisa eyi ekitongore ca Yehova cakoresize omu kujanjaza omurimo g’okuburira?

⁸ Ekitongore ca Yehova kikagenda kiri kukoresa ebikoreso by’omuhendo omu kujanjaza obutumwa burungi. Ebyo bikoreso nibitwariramu ebitabo ebihandikire, “Durama y’ebishushani by’ebyahangirwe (Photo-Drama of Creation),” za fonogurafu, emotoka eziriho emizindaro, rediyo n’ebindi  bikoreso by’obwenge bya juba. Kandi ekitongore ca Yehova kikahindura ebitabo omu ndimi nyingi! Ahabw’enki? Ni okugira ngu abantu bona bahurire obutumwa burungi omu rurimi rwabo. Yehova tari kushorora. Ni yo nshonga yagambire ku obutumwa burungi bwabire burije kuburirwa aha ‘batura omu nsi amahanga gona n’enganda zona n’endimi n’abantu.’ (Kush 14:6, 7) Nayenda ngu buri omwe ahurire obutumwa bw’Obukama.

⁹ Kandi shi abantu abu kigumire kuhikaho, nk’abari omu myanya etari kwikirizibwa kutahwamu? Kugira ngu abo bantu baburirwe, Yehova akakwasa ekitongore ceye kutandika oburyo butari bumwe bw’okuburira omu misho ga bona. Ecokureberaho: Omu 2001, Akakiko k’Abarisa kakikiriza kukoresa otugari tw’ebitabo hamwe n’otumeza omuri France, kandi bwanyima cayikirizibwa n’omu yindi myanya. Hakarugamu ebirungi. Eyo ntebekanisa nsya ekatandika omu 2011 omuri Amerika omu myanya erimu abantu bingi y’omuri New York City. Omu mwaka g’okubanza, ababurizi bakagaba ebitabo 102,129 na za magazini 68,911. Kandi abantu 4,701 bakashaba kwega Bibuli! Mazima, Yehova akakoresa omwika oguri kwera omu kushagika eyo ntebekanisa nsya. Bwanyima, Akakiko k’Abarisa kakikiriza kukoresa obwo buryo bw’okuburira omu nsi yona.

10. Ni enki eki tushemerire kukora kugira ngu tube ababurizi n’abegesa barungi?

¹⁰ Eki ori kubasa kukora. Koresa ge obumanyi obu Yehova ari kutuha birabire omu nterane. Yekwatanise n’omutwe gwawe g’okuburira burijo. Benetata na banyanyazi b’omu mutwe gwawe nibabasa kukukwasa kuburira ge n’okwegesa ge kandi bakubere ecokureberaho kirungi. Gumizamu kwehanganira ebizibu ebi ori kubugana omu murimo g’okuburira. Nk’oku ecahandikirwe kikuru cakigamba, tituri kukora ebi Ruhanga ari kwenda ahabw’amani gitu, ahobwe ni ahabw’omwika oguri kwera. (Zek 4:6) Ruhanga nayija kugumizamu kutuha amani ahakuba nitukora omurimo gweye.

11. Ni bata oku Akakiko k’Abarisa omu kinyigana c’okubanza kakorire omu bumwe kugira ngu kareteho entebekanisa omu bahereza ba Ruhanga?

¹¹ Omu kinyigana c’okubanza. Akakiko  k’Abarisa omuri Yerusaalemu kakakorera omu bumwe kugira ngu kareteho entebekanisa n’obusinge omu bahereza ba Yehova. (Byak 2:42) Ecokureberaho: Omu mwaka gwa 49 B.Y. obu harebekire ekizibu ekikwatirine n’okusharwa, Akakiko k’Abarisa kebembirwe omwika oguri kwera kakakishwijuma. Kuri ekibina cagumizemu kucwekamu ebicweka ahabw’eyo nshonga, kikaba kirakwate aha murimo g’okuburira. N’obu entumwa n’abazehe babire bari omuri Buyudaaya, emigenzo y’Abayudaaya n’abari kuyishagika tibirabashishire. Ahobwe, bakarondera obuhabuzi omu Kigambo ca Ruhanga kandi bashaba obuyambi bw’omwika oguri kwera. (Byak 15:1, 2, 5-20, 28) Ni enki ecarugiremu? Yehova akaha omugisha ensharamu yabo, obusinge n’obumwe byayeyongera, kandi omurimo g’okuburira gwaza omu misho.—Byak 15:30, 31; 16:4, 5.

12. Ni enki ekiri kwereka ku omu kitongore ca Yehova harimu entebekanisa n’obumwe omuri obu bwire?

¹² Omuri obu bwire. Ekitongore ca Yehova kikakwasa abahereza beye kuguma bine entebekanisa n’obusinge. Omu mwaka gwa 1895, Omunara g’Omurinzi gwa sayuuni omu Rungereza gw’aha kiro ca 15 Okwikuminakumwe, hakaba harimu ekicweka ekine omutwe oguri kugira ngu: “Bikorwe ge kandi bitebekanisibwe,” kikwatire omu 1 Bakorinso 14:40. Eco kicweka kikagamba ngu: “Entumwa zikahandikira byingi ebibina aha bikwatirine n’entebekanisa . . . Ni ec’omugasho kugumizamu korobera ‘Ebyahandikirwe ira byona.’” (Rom 15:4) Ekitongore ca Yehova omuri obu bwire nikikora n’amani kugira ngu kigume kine entebekanisa n’obusinge nk’oku Abakristo b’omu kinyigana c’okubanza babire bari kukikora. Ecokureberaho; waza kwekwatanisa omu kwega Omunara g’Omurinzi omu kindi kibina ninga shi omu rindi ihanga, noba ori kumanya oku kiri kukorwa n’ekicweka eki murayege. Mazima, noba ori nk’owanyu! Mbwenu shi hariho ekindi kintu ekiri kubasa kuretaho obwo bumwe gutari omwika oguri kwera?—Zef 3:9.

13. Ebiri omuri Yakobo 3:17 nibituma twayebuza biha bibuzo?

¹³ Eki ori kubasa kukora. Yehova nayenda ngu abahereza beye ‘bezirike kurinda obumwe bw’omwika, baterinwe omurunga g’obusinge.’  (Efe 4:1-3) Obwe rero yebuze ngu: ‘Mbehi nindetaho obusinge n’obumwe omu kibina? Mbehi ninyorobera abari kwebembera? Mbehi abandi nibandondaho obuhabuzi na munonga naba nyine obujunanizibwa omu kibina? Mbehi ninkuratiza entebekanisa etirweho, ninyamba abandi, kandi nyine ekihika c’okuhereza?’ (Shoma omuri Yakobo 3:17.) Haba hine ahu oshemerire kutamu amani, shaba omwika oguri kwera. Oku orakizeho kwikiriza omwika oguri kwera ngu guhindure emitwarize yawe, ni ko benetata na banyanyazi barikizaho kukukunda kandi bakakureba ku oyine omugasho omu kibina.

14. Tukuratize ebiri omu Bakolosai 1:9, 10, ni bata oku Yehova yayegesize abahereza beye omu kinyigana c’okubanza?

¹⁴ Omu kinyigana c’okubanza. Yehova nakunda kwegesa abahereza beye. (Zab 32:8) Nayenda ngu bamumanye, bamukunde kandi babeho ebiro byona bari abana beye abu ari kukunda. Ebyo byona tibiri kubasa kubaho Yehova yaba atatwegesize. (Yoh 17:3) Omu kinyigana c’okubanza Yehova akegesa abahereza beye akoresize ekibina. (Shoma omu Bakolosai 1:9, 10.) ‘Omuhwezi’ owu Yesu yabire araganisize, ni okugamba omwika oguri kwera, gukakwasa abegi beye. (Yoh 14:16) Omwika oguri kwera gukakwasa abegi ba Yesu kushoborocerwa Ekigambo ca Ruhanga kandi gwabijusya ebintu ebi Yesu yakozire n’ebi yagambire, ebi bashomire omu bitabo by’Enjiri. Ebyo bintu ebi bamanyire bikagumya okwikiriza kwabo bakizaho kukunda Ruhanga, Omwana weye kandi na bo bakundana.

15. Ni bata oku Yehova ari kuhikiriza ebi yaraganisize ebiri omuri Isaaya 2:2, 3?

¹⁵ Omuri obu bwire. Yehova akagamba ku “omu biro bya bwanyima,” abantu b’omu mahanga gona babire barije kwinamuka aha rushozi rweye rw’akamanyiso kugira ngu abegese emitwarize yeye. (Shoma omuri  Isaaya 2:2, 3.) Nitwerebera obwo buhanuzi buri kuhikirira omu bwijwire. Mazima, nitwerebera ku okuramya okw’amazima ari ko kuhikire kukiza amadini gona g’ekishuba. Kandi Yehova ari kutuha ebyokurya byingi by’omwika! (Isa 25:6) Nakoresa ‘omwambari w’omwesigwa kandi w’omunyabwenge’ aturisa akoresize enyegesa z’ahari intaneti, za toku na za vidiyo. (Mat 24:45) N’itwe nitwehurira nk’oku Elihu munywani wa Yobu yayehurire obu yagizire ati: ‘Ni oha oyegesa nka [Ruhanga]?’—Yob 36:22.

16. Ni enki eki ori kubasa kukora kugira ngu okure omu by’omwika?

¹⁶ Eki ori kubasa kukora. Omwika oguri kwera nigwija kukukwasa kuta omu nkora ebi ori kwega omu Kigambo ca Ruhanga. N’iwe shaba nk’omuhandiki wa Zaaburi owashabire ati: ‘Ayi, [Yehova] onyegese omuhanda gwawe, mbone kugendera omu mazima gawe; terana hamwe ebiri omu mutima gwange, gubone kutina izina ryawe.’ (Zab 86:11) Obwe rero, gumizamu kwegaburira ebyokurya by’omwika ebi Yehova ari kutuha akoresize Ekigambo ceye n’ekitongore ceye. Konka, noba otari kwenda kutunga obumanyi kusha. Ahobwe, noba ori kwenda ngu amazima gakuhike aha mutima kandi ote omu nkora ebi ori kwega omu kubaho kwawe. Omwika gwa Yehova nigubasa kukukwasa kukikora. Nambwenu noba ori kwenda kugumya benetata na banyanyazi. (Heb 10:24, 25) Ahabw’enki? Ahabw’okuba ni ab’omu ka yawe y’eby’omwika. Shaba omwika oguri kwera kugira ngu gukukwase kuha ekitekateko ekirugire aha mutima omu nterane kandi ohereze ge ekiganiro cawe. Wakikora basyoya, noba wayereka Yehova n’Omwana weye ku nokunda ‘entama’ zabo ez’omuhendo.—Yoh 21:15-17.

17. Ni bata oku ori kubasa kwereka ku noshagika ekitongore ca Yehova?

¹⁷ Juba aha, ekitongore ca Yehova ni co conka ekirije kuba kisigireho. Obwe rero, guma oyekwatanise n’ekitongore ca Yehova. Toreza Ruhanga otari kushorora, ori kuburira obutumwa burungi abantu bona. Toreza rukundo yeye ori kuretaho obusinge n’obumwe omu kibina. Kandi ohurikize Omwegesa mukuru ori kwegaburira ebyokurya by’omwika ebi ari kutuha. Obu ensi egi ya Sitaane eri kugenda nehika aha muheru, torije kutina. Ahobwe, noyija kuba emanzi ori kuhereza Yehova ori kwekwatanisa n’ekitongore ceye.