Omushija n’omukazi weye abari kushoma enkuru emwe buri kasheshe, bakagamba bati: “Mazima ezo nkuru nizituma twashemererwa kandi zitugaruramu amani! Nizitwijusa ku n’itwe turi kubasa kuguma turi abesigwa omu mbera zona.” Omunyanyazi ori kwehurira basyoya, akahandika ati: “Ezo nkuru nizitugumya, kandi zituma twatunga okushemererwa. Benetata na banyanyazi abari kugambwa omuri ezo nkuru bine amagara agine ekigenderera. Nizituma nakora byingi omu murimo g’okuburira kandi zinkwasa kuyamba abana bange kukorera Yehova omurimo g’obwire bwona.”

Enkuru z’ebyabireho nizikuhiga kugira entego ndungi, kusingura obweremwa, n’okwehanganira ebigezi bigumire oyine okushemererewa. Ni nkahe ahu ori kubasa kwiha ezo nkuru?

• Za aha rubuga rwa jw.org ninga shi omuri JW Library®. rero orondese ebicweka ebikuratine aha mutwe oguri kugira ngu “Ebyahikire aha Bahamya ba Yehova.”

• Rondesa “Ebyahikire aha Bahamya ba Yehova” omuri ISHOMERO RY’AHARI INTANETI rya Watchtower ninga shi Watchtower Library.