AHA Rwakashatu, ekiro ca 18 Okokubanza 2023, tukatunga ekirango c’omutano ecarebekire ahari jw.org, ekiri kugamba ku mwenetata Gage Fleegle na Jeffrey Winder batorinwe ngu babe bamwe omu bagizire Akakiko k’Abarisa k’Abahamya ba Yehova. Abo benetata, bamazire obwire bari kukorera Yehova byingi bari abesigwa.

Mwenetata Fleegle akakurira omu kacweka ka burengerwizoba k’omuri Pennsylvania, omuri Amerika ari hamwe n’abazire beye ababire bari kutina Ruhanga. Obu yabire acari muto eka yabo ekafurukira omu katawuni kace ahabire hari kwetegwa ababurizi. Ku babire bamazire obwire buce bahikireyo, akabatizibwa aha kiro ca 20 Okwikuminabiri, 1988.

Abazire ba mwenetata Fleegle bakaba nibamuhiga kukorera Yehova omurimo g’obwire bwona. Emirundi myingi bakaba nibakira kwakira abareberezi n’abakozi ba Beteli omu ka owabo, kandi mwenetata Fleegle akaba nakira kureba oku abo benetata na banyanyazi babire bari kutura bashemerirwe. Ku hahwire obwire buce abatizibwe akahika natandika obupayoniya bw’obwire bwona aha kiro ca 1 Okwamwenda, 1989. Bwanyima y’emyaka ibiri akahika aha ntego eyi yabire yayeterireho obu yabire ayine emyaka 12, y’okukora ahari Beteli. Akatandika kukora ahari Beteli y’omuri Brooklyn omu Kwikumi 1991.

Mwenetata Fleegle obu yabire nakora ahari Beteli akakora emyaka munana omu kukwatanisa ebitabo, bwanyima yaza kukora omu Kishenge c’eby’okuburira. Omuri obwo bwire akaba nahereza omu kibina ekiri kukoresa orurimi rw’Orurusiya omu myaka mice. Omu mwaka gwa 2006 akatasana na munyanyazi Nadia, owayijire kukora na we ahari Beteli. Bakakorera omurimo omuri teritori y’orurimi rw’Orupotigo kandi bamara emyaka eri kurenga ikumi bari kukorera omurimo omuri teritori y’orurimi rw’Orusupanishi. Bwanyima y’okumara emyaka myingi ari kuhereza omu Kishenge c’eby’okuburira, mwenetata Fleegle akaza kukora omuri Komiti y’eby’okwegesa bwanyima yaza omuri Komiti y’eby’okuburira.  Omu Kwakashatu 2022 akashabwa kuyamba omuri Komiti y’eby’okuburira y’Akakiko k’Abarisa.

Mwenetata Winder we akakurira omuri Murrieta, California, omuri Amerika. Akegesibwa amazima n’abazire beye kandi yabatizibwa aha kiro ca 29 Okwakashatu, 1986. Omu kwezi okwakuratireho akasharamu kuba omupayoniya w’omuyambi. Akaba nakunda ogo murimo munonga kandi akaba nayenda kugumizamu kukorera Yehova. Ku yamazire amezi mingi ari kukora obupayoniya bw’omuyambi akatandika obupayoniya bw’obwire bwona aha kiro ca 1 Okwikumi, 1986.

Mwenetata Winder obu yabire acari omunyeto akaza kutayayira bakuru beye babiri ababire bari kukora ahari Beteli omuri obwo bwire. Eco kikatuma yakizaho kugira ecetengo c’okwija kukora ahari Beteli yamara kukura. Kandi omu Kwakatano 1990, aketwa ngu aze kukora ahari Beteli ya Wallkill.

Mwenetata Winder obu yabire ari kukora ahari Beteli, akaba nakora omu bishenge ebitari bimwe nk’omu Kishenge c’eby’obuyonjo, Ekishenge ekiri kufa aha musiri gwa Beteli, n’omu Kishenge ca ofisi ya Beteli. Akatasana na munyanyazi Angela, omu mwaka gwa 1997, kandi batwire nibakora hamwe ahari Beteli kwiha omuri obwo bwire. Omu mwaka gwa 2014 bakafurukira omuri Warwick, ahu mwenetata Winder yabire nakwasa omu kombeka amaju ga Ofisi nkuru yitu. Omu mwaka gwa 2016 bakafurukira ahu bari kwegera amashomero ga Watchtower omuri Patterson, ahu mwenetata Winder yabire nakora omu Kishenge c’eby’amaraka na vidiyo. Bwanyima y’emyaka ina bakagaruka omuri Warwick, kandi mwenetata akahebwa omurimo g’okukora omuri ofisi ya Komiti y’eby’abakozi. Omu Kwakashatu 2022 akatebwaho kugira ngu ayambe Komiti y’abakozi ya Akakiko k’Abarisa.

Nitugushaba Yehova ngu agumizemu kuha emigisha ebyo ‘biconco’ omu bwire obu bacagumizemu kukora munonga omu kushagika eby’Obukama.—Efe 4:8.