Shoma omu Kutandika 25:29-34 omanye owakozire ensharamu ndungi ahagati ya Esawu na Yakobo.

Shwijuma ebyehinguririze eyo nkuru. Omu kubanza, ni enki ecabire kibireho? (Kut 25:20-28) Ni enki ecakuratireho?—Kut 27:1-46.

Manya byingi aha biri kukwata ahari eyo nkuru. Ni buha bugabe obu omwana w’emfura yabire natunga omuri obwo bwire, kandi shi ni enki eki yabire nashabwa kukora?—Kut 18:18, 19; w10-E 5/1 13.

• Mbehi burijo obwo bugabe bukaba nibutwariramu kwija kuba omwe omu bagizire orukuratane rw’ekika ca Mesiya? (w17-RR 12 14-15)

Reba amashomo agu ori kubasa kwihamu n’oku ori kubasa kubita omu bikorwa. Ahabw’enki Yakobo yarebire omugisha g’okuba omwana w’emfura nk’og’omuhendo kukira oku Esawu yabire ari kugureba? (Heb 12:16, 17; w03-E 10/15 28-29) Ni bata oku Yehova yabire nareba abo bana babiri, kandi shi ahabw’enki? (Mal 1:2, 3) Ni enki eki Esawu yabire ari kubasa kukora kugira ngu akore ensharamu ndungi?

• Yebuze ngu: ‘Ni bata oku ndi kubasa kwereka ku ndikureba ebintu by’omwika nk’eby’omuhendo naba ndi kusharamu ebi ndakore omuri eyi sande, nk’ecokureberaho ndi kutegura okuramya kw’eka?’