Nitubasa kusaasirwa ebibi byitu birabire aha kitabo c’eshagama ya Yesu eyi yahireyo. (Efe 1:7) Konka Bibuli negamba ku ‘Ruhanga ahabw’obushoborozi bweye yabire ari kusaasira ebibi ebyakozirwe kare,’ ni okugamba ebyakozirwe Yesu atakatangire ekitambo. (Rom 3:25) Mbwenu shi ni bata oku Yehova yabire ari kubasa kukora eco kandi akagumizamu ari Ruhanga w’oburinganiza?

Yehova akaba yaraganisize ku habire harije kubaho ‘oruzaro’ orwabire rurije kukiza abari kumwikiriza kandi bakikiriza ebi yaraganizire. (Kut 3:15; 22:18) Obu yagambire ebyo bigambo akaba ari nk’owashashura ekitambo, kandi akaba namanya ku omu bwire obuhikire Omwana weye nyamunegeri ari we owabire arije kutanga ekitambo. (Gal 4:4; Heb 10:7-10) Obu Yesu yabire ari omu nsi, Ruhanga akaba yamuhire obushoborozi bw’okusaasira ebibi atakatangire ekitambo. Eco akakikora ari kwereka omugasho gw’ekitambo aha bantu ababire bine okwikiriza.—Mat 9:2-6.