Shoma omu Kutandika 37:23-28; 39:17-23 kugira ngu omanye oku Yosefu yayehanganire obutariburinganiza.

Shwijuma ebyehinguririze eyo nkuru. Ni enki ecatumire abandi batwariza kubi Yosefu? (Kut 37:3-11; 39:1, 6-10) Yosefu akamara obwire oburi kwingana ki ari kutwarizibwa kubi? (Kut 37:2; 41:46) Omuri obwo bwire ni enki eki Yehova yakorire Yosefu kandi shi ni enki eki ataramukorire?—Kut 39:2, 21; ; w23.01 17 par.13.

Manya byingi aha biri kukwata ahari eyo nkuru. Bibuli teri kugambwa ku Yosefu yagerizeho kweshoborora aha bikwatirine n’ebishuba ebi muka Pofitari yabire ari kumugambaho. Ni bata oku ezi nyiriri eziri kukurataho ziri kutukwasa kumanya enshonga Yosefu yashaziremu kuguma ahunami kandi shi ahabw’enki tutari kwetenga kumanya ebintu byona ebiri kukwata ahari eyo nkuru? (Emi 20:2; Yoh 21:25; Byak 21:37) Ni eha mitwarize eyakwasize Yosefu kwehanganira obutariburinganiza obu yabugine?—Mik 7:7; Luk 14:11; Yak 1:2, 3.

Reba amashomo agu ori kubasa kwiha ahari eyo nkuru. Yebuze ngu:

• ‘Ni biha bikorwa by’obutariburinganiza ebi ndi kubasa kubugana na byo ahabw’okuba ndi omwegi wa Yesu?’ (Luk 21:12, 16, 17; Heb 10:33, 34)

• ‘Nimbasa kukora ki kugira ngu nyije kwehanganira obutariburinganiza obu ndikubasa kubugana na bwo?’ (Zab 62:7, 8; 105:17-19; w19-E 07 2-7)