Kugira ngu tushemeze Yehova tushemerire kuba twine okwikiriza. Konka, Bibuli negamba ku ‘atari ko buri omwe ari kuba ayine okwikiriza.’ (2 Tes 3:2) Obu Pawulo yagambire ahari eco, akaba ari kwenda kugamba aha bantu ababire bari ku muhiganisa n’aha bantu babi. Konka, ebi yagambire aha bikwatirene n’okwikiriza nibikwata n’aha bandi bantu. Hine abantu abari kwehuza abimanyiso ebiri kurebeka, ebiri kwereka ku hariho Omuhangi. (Rom 1:20) Abandi bo nibagamba ku hariho ebindi bintu n’abantu ebiri kukiza Ruhanga amani. Konka, okugira okwikiriza tibyo byonka ebi turi kwetenga kugira ngu tushemeze Yehova.

Tushemerire kwikiriza ku Yehova ariho kandi ku ‘aha ebihembo’ abari kwereka okwikiriza. (Heb 11:6) Okwikiriza ni kimwe omu byana by’Omwika oguri kwera. Kugira ngu tugire ogo mutwarize tushemerire kushaba Yehova omwika oguri kwera. (Luk 11:9, 10, 13) Kimwe omu bintu ebi turi kubasa kukora kugira ngu tutunge omwika oguri kwera, ni okushoma Ekigambo ca Ruhanga. Bwanyima nitubasa kutecereza aha bi twashoma kandi tubita omu bikorwa. Omwika oguri kwera gwa Yehova nigwija kutukwasa kubaho twine okwikiriza kugira ngu tubase kumushemeza.