▪ Omuri eco kicweka, tukega ku hariho ekizibu ekiri kukwata ahari ba marayika n’abantu, ni okugamba: Okwezibwa kw’izina rya Ruhanga rikuru. Obwe rero eco kizibu nikitwariramu kumanya yaba Yehova ari we mutegeki ohikire, n’okumanya yaba abantu bari kubasa kugumizamu kuba abesigwa ahari we.

Nitumanya tuta ku eco kizibu kiri kukwata ah’izina rya Ruhanga n’okuryeza? Reka tushwijume enshonga ishatu.

Eyokubanza, Sitane akajumisa izina rya Ruhanga ninga ekitinisa ca Ruhanga omu musiri gwa edeni. Ekibuzo eki Sitane yabuzire Eva kikaba kiri kwereka ku Yehova atine rukundo kandi ku ebiragiro ebi yaterireho Adamu na Eva byabire bitahikire. Omuri obwo buryo Sitane akahindura ebigambo ebi Yehova yabire agambire, yayereka ku Ruhanga ari omubihi. Obwe rero akajumisa izina rya Ruhanag. Akahinduka ‘omuregi’ ekiri kumanyisa ‘omubihi.’ (Yoh 8:44) Ahabw’okuba Eva yayikirize ebishuba bya Sitane akagomera Ruhanga ebyayerekire ku yabire atari kwenda ngu Ruhanga amutegeke. (Kut 3:1-6) Omuri obu bwire Sitane najanjaza ebishuba ebiri kujumisa izina rya Ruhanga. Abari kuhurikiza ebishuba bya Sitane tibari korobera Yehova. Obwe rero aha bahereza ba Ruhanga, ebishuba ebiri kugamba aha izina rya Yehova eriri kwera ni co kintu kibi munonga ekiri kwereka obutariburinganiza. Ni yo nshonga nkuru eri kutuma habaho okubonabona kwingi omu nsi.

Eyakabiri, kugira ngu ebyahangirwe byona bigasirwe, Yehova akamaririra kweza izina ryeye ari kuryihaho ebijumo byona. Eco ni co kintu kikuru munonga ahari Yehova. Ni yo nshonga yagambire ngu: ‘Ndyahimbisisa izina ryange erikuru.’ (Ezek 36:23) Kandi Yesu akereka ecabire kishemerire kuba kikuru, omu shara z’abahereza ba Yehova babesigwa ari kugamba ngu tugume tushabe ngu: ‘Izina ryawe ryezibwe.’ (Mat 6:9) Emirundi myingi Bibuli na yo ekagenda neyereka omugasho gw’okweza izina rya Yehova. Ka tukwate ebyokureberaho bice: ‘Mugambe ku Yehova ayine ekitinisa ekishemerire izina ryeye.’ (1 Bus 16:29; Zab 96:8) ‘Oyeshongore eby’okuhimbisa izina ryeye.’ (Zab 66:2) ‘Ndyakuhimbisa, mpe izina ryawe ekitinisa ebiro byona.’ (Zab 86:12) Omurundi gumwe ogu Yehova yayegambireho ari omu iguru, ni obu yagambire omuri hekaru ya Yerusalemu obu Yesu yamushabire ngu: ‘Tata, himbisa izina ryawe.’ Yehova akamugarukamu ngu: ‘Narihimbisa, kandi ndyagaruka ndihimbise.’​—Yoh 12:28. a

Eya kashatu, burijo ekigendererwa ca Yehova nikiba kine akakwate n’izina ryeye. Kitecerezeho: Ni enki ekirikurataho bwanyima y’ekigezo c’aha muheru ekirije kukurata Obutegiki bwa Kristo bw’emyaka rukumi? Ni bata oku ba marayika n’abantu barije kwehurira aha bikwatirine n’okweza izina rya Yehova omuri obwo bwire? Kugira ngu tubase kugarukamu eco kibuzo, reka tubanze tweyijuse  ebintu bibiri ebiri kukwata aha kizibu c’obwesigwa bw’abantu ahari Ruhanga, n’obushoborozi bwa Ruhanga bw’okutegeka iguru n’ensi. Mbehi omuri obwo bwire abantu nibija kuba bacayetenga kwereka obwesigwa bwabo ahari Ruhanga? Ingaha mazima. Baryaba bahindukire abahikirire kandi baryaba bagezibwe omu bwijwire. Obwe rero baryaba batungire amagara agatahwaho. Mbwenu shi turyaba tucashabwa kwereka ku Yehova ari we ori kutegeka kurungi? Ingaha. Omuri obwo bwire ba marayika bona baryakwatanisa n’abantu abariba bari omu nsi bikirize kutegekwa na Yehova. Mbwenu shi ekizibu c’okwezibwa kw’izina rya Yehova nikija kuba kicari ec’omugasho aha bahereza beye?

Omuri obwo bwire omuntu wena nayija kuba ari kumanya amazima agari kukwata ah’izina rya Yehova kandi ari kugikiriza omu bwijwire. Konka, izina rya Yehova riryagumizamu kuba ekintu kikuru munonga aha bahereza beye. Ahabw’enki? Ahabw’okuba baryagumizamu kwerebera ku Yehova ari kubakorera ebintu byingi birungi. Kitecerezeho: Ahabw’okuba Yesu arije kwecureza akagarurira Ishe obutegeki, Ruhanga ‘nayija kuba byona ahari bona.’ (1 Kor 15:28) Bwanyima abantu bona abariba bari omu nsi, nibija kushemerererwa ‘obusinge bw’abana ba Ruhanga.’ (Rom 8:21) Kandi Yehova nayija kuhikiriza ekigendererwa ceye ekimazire obwire buringwa, c’okubuganisiriza hamwe ebyahangirwe byeye eby’omu nsi n’eby’omu iguru, kugira ngu bihinduke eka yeye emwe eri kukorera hamwe.​—Efe 1:10.

Mbwenu shi ebyo bintu byona ku birimara kuhikirira, ni enki ekirihika aha ka ya Yehova y’omu iguru n’ey’omu nsi? Hatariho okubanganisa, n’omuri obwo bwire nitwija kuba tucayine ecetengo c’okuhisa ekitinisa izina rya Ruhanga. Dawudi omuhandiki wa zaburi akahandika ati: ‘Yehova asimwe. Kandi izina ryeye ry’ekitinisa risimwe ebiro byona.’ (Zab 72:18, 19) Bwanyima y’ebyo byona, nitwija kuba twine enshonga nyingi z’okuhimbisa izina rya Ruhanga.

Izina rya Ruhanga nirimanyisa buri kintu cona ekiri kumukwataho. Kandi izina ryeye niritwijusya rukundo eyi ari kutukunda. (1 Yoh 4:8) Burijo turyagumizamu kwijuka ku Yehova yatwerekire rukundo ari kutuhanga, ari kutuha ekitambo, ku oburyo bweye bw’okutegeka ari bwo obuhikire, kandi ku ari kututegeka ahabwa rukundo. Konka nitwija kugumizamu kwerebera oku Yehova ari kutukunda ebiro byona. Ku turimara kutunga amagara agatahwaho, nitwija kugirana obunywani na we kandi tumweshongororere turi kuhimbisa izina ryeye.​—Zab 73:28.