Twena nitutunga obwire buce bw’okweyegesa. Ni bata oku turi kubasa kubukoresa ge? Ecokubanza, yetereho obwo bwire. Nikija kukugasira munonga wayeyegesa ebintu bice obitireho omutima, kukira oku ori kubasa kushoma ebintu byingi konka otabitekatekeho.

Bwanyima, torana ebintu by’omugasho ahari iwe. (Efe 5:15, 16) Reba obuhabuzi oburi kubasa kukukwasa:

• Shoma Bibuli buri zoba. (Zab 1:2) Entebekanisa y’okushoma Bibuli y’omu nterane za rwagati omu sande nebasa kutuyamba munonga.

• Tegura Omunara g’omurinzi g’okwega n’enterene za rwagati omu sande, kandi obe oyetegwire kutanga ebyokugarukamu.​—Zab 22:22.

• Watunga obwire guma orebe ebintu byitu bisya, ecokureberaho nka za magazini z’abantu bona, vidiyo, n’ebintu ebiri kushohora aha rubuga rwa jw.org.

• Gira ebi wayeteraho by’okweyegesa. Nonasa kucondoza aha bizibu ebi oyine, ebibuzo ebi ori kwebuza, ninga aha bintu by’omuri Bibuli ebi ori kwenda kumanyaho byingi. Kugira ngu omanye ebiri kubasa kukwasa za ahari jw.org ahari kugira ngu “Ebyokukora omu kweyegesa Bibuli.”