Mazima twine omugisha ahabw’okuba turi omu bwire obu Yehova ari kukizaho kutuma twashoborokerwa ebiri omuri Bibuli kukiza kare hona. (Dan 12:4) N’obu kiri kiso, hine obu kiri kubasa kutugumira kumanya ebyahindukire omu ku tushangirwe turi kumanya amazima g’omuri Bibuli. Ni nkahe ahu turi kubasa kwiha ebyahindukire n’oku babishoborwire?

• Omu Irangiro ry’ebitabo bya Watch Tower ahari kugamba ngu “Enyikiriza zitu nizigenda nizishoboroka ge” hariho ebintu ebyahindukire ebipangire hakuratizibwe emyaka. Byaba bipangire hakuratizibwe emitwe handikamu ekigambo “Empinduka omu ku twabire turi kushoborokerwa amazima” (oteho n’obukubo) rero oze aha kashanduku ka rondesa ahari Ishomero rya Watchtower Library ninga aha Ishomero rya ahari intaneti rya Watchtower.

• Ekitabo ekiri kukwasa Abahamya ba Yehova kucondoza kirimu ebicweka ebyabuganisibwe hakuratizibwe emitwe. Za ahahandikire ngu “Abahamya ba Yehova,” “Ebitecerezo n’enyikiriza zitu,” rero oze ahahandikire ngu “ebyahindukire omu nyikiriza zitu.”

Mbehi omu kweyegesa kwawe tori kubasa kureba ebyahindukire juba rero okarondesa enyiriri eziri kwereka enshonga byahindukire?