Izoba rimwe, omunyanyazi w’omuri Niyuzilandi akareba vidiyo eri aha rubuga rwa jw.org eri kugamba aha ku tushemerire kweta omu mwanya gw’abandi baba bari kushasha. Eyo vidiyo negamba ku Yehova atine esaasi kusha ahobwe ku ari kuzereka n’abandi (Isa 63:7-9) Akasharamu kuta omu bikorwa ebi yayegire ari kuronda owu ari kubasa kukwasa. Bwanyima, ah’izoba eryakuratireho ku yagire kuhaha akabugana omukazi owabire otine ahu kuba yamuha otusente tw’okugura ebyokurya. Ogo mukazi akatwikiriza. Ogo munyanyazi ku yarugire kumugurira ebyokurya, akamuburira akoresize akatabo kace akari kugira ngu Hona shi okubonabona kuryahwaho?

Ogo mukazi akahika ari kurira. Akamushobororera ku yakurire omu ka y’Abahamya konka ku habire hahwireho emyaka myingi arugire omu mazima. Hakaba hahwireho obwire buce, ogo mukazi ashabire Yehova ngu amukwase kumugarukira. Ogo munyanyazi akamuha Bibuli kandi bataho n’entebekanisa y’oku baragume kwega. a

N’itwe nitubasa kutoreza Yehova turi kwereka abandi esaasi, harimu abanyabuzare bitu na benetata na banyanyazi b’omu kibina. Kandi nambwenu nitubasa kwereka abandi esaasi turi kubaburira.