Mbehi okashoma oyetonzire ebicweka by’omu Munara g’Omurinzi g’omuri ogu mwaka? Mbwenuho, reba yaba ori kubasa kugarukamu ebi bibuzo:

Ni enki eki ‘okuhindurwa basya omu mitecerereze’ kiri kumanyisa? (Rom 12:2)

Nikitwariramu okukora ebirengire ebirungi kusha, nambwenu nikimanyisa ku tushemerire kushwijuma abu turibo omunda kandi tukora empinduka eziri kwetengesa kugira ngu tubeho turi kubuganisa n’emisinge ya Ruhanga.—w23.01, p. 8-9.

Ni bata oku turi kubasa kwereka ku nituringaniza omu bwire obu turi kureba ebiri kubera omu nsi?

Twena nitushemerererwa kureba oku ebintu ebiri kubera omu nsi biri kuhikiriza obuhanuzi bw’omuri Bibuli. Konka tushemerire kwerinda kufindafinda ninga shi kutebereza, ahobwe tuganira aha bintu ebi ekitongore ca Yehova kiri kutuha. (1 Kor 1:10)—w23.02, p. 16.

Ni eha ntanisa eri ahagati y’okubatizibwa kwa Yesu n’okw’abakurasi beye?

Akaba atacenire kweha Yehova nk’oku turi kukikora, ahakuba akaba yazarirwe omu ihanga eryamwehire. Yesu akaba atari kwetenga kubanza yayehana ebibi byeye ahakuba akaba ahikirire, atari kubasa kukora ekibi.—w23.03, p. 5.

Ni enki eki turi kubasa kukora kugira ngu abandi bekwatanise omu kutanga ebitecerezo?

Nitubasa kutanga ebitecerezo bigufu, rero tuha abandi omugisha g’okutanga ebyabo. Nambwenu nitubasa kwerinda kugamba aha bintu byona. Eco nikija kutuma n’abandi bagira eki bagamba.—w23.04, p. 23.

Tukuratize ebiri omuri Isaya 35:8, ‘omuhanda oguri kwera’ nigumanyisa ki?

Ecokubanza, ogo muhanda gw’akamanyiso gukaba nigumanyisa omuhanda ogu abayudaya barabiremu bari kuruga Babuloni bari kugaruka omu ihanga ryabo. Ni enki eki guri kumanyisa omuri obu bwire? Omu myaka ya za 1919, hakatebwaho entebekanisa y’okuhindura n’okucapa za bibuli, hamwe n’ebindi bintu byingi. Abahereza ba Ruhanga nibagendera ‘omu muhanda oguri kwera’ ogurije kubahisya aha migisha y’Obukama bwa Ruhanga.—w23.05, p. 15-19.

Ni enki eki omu Migani ekicweka ca 9 hari kutwegesa aha bikwatirine n’abakazi babiri b’ekigereraniso?

Eco kicweka nikigamba aha ‘mukazi w’omushema’ oyine obutumire oburi kuhisya abantu ahari rufu,’ kandi nambwenu kigereranisa ‘obwenge obwa buzima’ n’omukazi ori kuhisya abari kwikiriza obutumire bweye aha magara. (Emi 9:1, 6, 13, 18)—w23.06, p. 22-24.

Ahabwenki oku Yehova yatwarize Loti biri kwereka ku ari omucurezi kandi ku ari kuringaniza?

Yehova akaragira Loti ngu aruge omuri Sodomu ahungire omu kacweka k’emishozi. Konka Loti ku yashaziremu kuhungira omuri Zowari, Ruhanga akikiriza ebi yashabire.—w23.07, p. 21.

Ni enki eki omukazi ari kubasa kukora owu batasine yareba ponogurafi?

Ashemerire kwerinda kwecwera orubanja. Aguma kuta omutima aha bunywani bweye na Ruhanga kandi atecereza aha nkuru z’abakazi abari kugambwa omuri Bibuli ababire bari kwesiga Yehova. Nabwenu nabasa kukwasa owu batasine kucweka aha ngesho y’okureba ponogurafi.—w23.08, p. 14-17.

Ni bata oku okwetegereza biri kubasa kutukwasa kweyorobya, batubuza ebikwatirine n’ebi turi kwikiriza?

Nitubasa kureba ku ekibuzo eki batubuza ninga ekizibu eki twabugana ari ekintu ekiri kubasa kutukwasa kumanya ebi abandi bari kutecereza n’ebiri kubashemeza. Obwe rero tushemerire kubagarukamu tweyorobize.—w23.09, p. 17.

Ni eki turi kubasa kwegera ahari Mariya aha bikwatirine n’okushaba obuyambi?

Mariya ku yamanyire ku yabire arije kuzara Mesiya, akarondera obuyambi ah’abandi. Gaburiyeli na Elizabeti bakakoresa Ebyahandikirwe bagumya Mariya. N’itwe nitubasa kutunga obuyambi birabire ah’Abakristo bagenzi bitu.—w23.10, p. 15.

Ni bata oku Yehova ari kubasa kugarukamu eshara zitu?

Naturaganisa ku arije kugarukamu eshara zitu kandi areba yaba ziri kubuganisa n’ekigendererwa ceye. (Yer 29:12) Nabasa kugarukamu eshara eziri kushushana omu miringo etari emwe, kandi naturaganisa ku arije kutukwasa. —w23.11, p. 21-22.

Omu Baroma 5:2 nihagamba aha ‘masiko.’ Mbwenu shi ni aha bw’enki gari kushuba kugambwaho omu runyiriri rwa 4?

Omuntu yahurira obutumwa burungi nabasa kugira amasiko g’okwija kutunga amagara omuri paradiso omu nsi. Konka ku ari kubugana ebizibu, akehangana kandi Ruhanga akamwikiriza, amasiko geye nigeyongera kandi gaba aga buzima ahari we.—w23.12, p. 12-13.