“Ekigambo endahiro nikimanyisa ku wahamya otari kubanganisa ku wayikiriza kukora ekintu.” Nobasa kukikora ori kukihandika ninga ori kugamba.

Abamwe nibabasa kutekateka ku kukora indahiro ari kibi ahabw’okuba Yesu yagambire ngu: “Otarirahira . . . konka ebigambo byanyu bigume yego yego ninga ingaha ingaha ahakuba ebiri kukira ahari ebyo biruga aha mubi.” (Mat 5:​33-​37) Ni amazima Yesu akaba namanya ku ebiragiro bya Musa byabire nibishaba abahereza ba Ruhanga b’abesigwa kukora endahiro. (Kut 14:​22, 23; Kur 22:​10, 11) Kandi akaba namanya ngu Yehova nawe akarahira. (Heb 6:​13-​17) Obwe rero Yesu akaba atari kumanyisa ngu tutari rahira. Ahobwe akaba natuzibira kukora endahiro ezitahikire. Tushemerire kuhikiriza ebi twagamba ahakuba ni byo ebi Yehova ari kwenda ngu tukore.

Mbwenu shi oshemerire kukora ki washabwa kurahira? Ecokubanza banza orebe yaba ebi waza kurahirira orije kubikora. Yaba otarabibase kikabire kirungi orekire kukora endahiro. Ekigambo ca Ruhanga nikiturabura ngu: “Okuraganisa otahikirize nikikirwa okutaraganisa.” (Mub 5:​5) Nambwenu tekateka aha misinge eri kukwata aha ndahiro eyi okozire, bwanyima okuratize omuntuw’omunda wawe owamanyizibwe na Bibuli. Emwe omuri eyo misinge ya Bibuli ni eha?

Endahiro zimwe nizigendana n’ebi Ruhanga ari kwenda. Ecokureberaho: Abahamya ba Yehova nibakora endahiro baba nibaza kugitwa. Omu misho ga Ruhanga n’abantu abija kubihamya, omusigazi n’empangare nibarahira ku barije kukundana bakaherezana ekitinisa kuhisa obwire bwona obu bariba bakiriho.” (Abatasine bamwe nibabasa kutagamba ebyo bigambo nk’oku biri baba bari kugitwa konka nibaba bayikozire omu misho ga Ruhanga.) Obwe nibaba baba omushija n’omukazi kandi nibaba barije kugumana ebiro byona. (Kut 2:​24; 1 Kor 7:​39) Eyo ntebekanisa ehikire kandi nehikana n’ebi Ruhanga ari kwenda.

Endahiro ezimwe tiziri kwikirizingana n’ebi Ruhanga ari kwenda. Omukristo ow’amazima tashemerire kukora endahiro y’okukwata ec’okurwanisa ngu arwanirire ihanga. Ahabw’okuba eco wakikora noba washisha ebiragiro bya Ruhanga. Abakristo tibashemrire kuba abensi obwe rero tibashemerire kwejwanga omu bizibu ninga shi omu ntaro.—⁠Yoh 15:​19; Isa 2:​4; Yak 1:​27.

Endahiro zimwe nizisha nizishaba kukoresa omuntuwomunda. Obumwe na bumwe nituba  tshemerire kushwijuma twetonzire ebi twaza kukora nk’oku Yehsu yagambire ngu: “Ebya Kayisari mubihe Kayisari n’ebya Ruhanga mubihe Ruhanga.”—⁠Luk 20:​25.

Ka tugire ngu Omukristo nayenda ebitamburisho konka yamanya ku kugira ngu abihebwe ashemerire kubanza kurahirira ku atari hemukira ihanga. Yaba omuri eryo hanga eyo ndahiro eyi ari kushabwa kukora eri kushisha ebiragiro bya Ruhanga omuntuwomunda weye owamanyizibwe na Bibuli tarije kumwikiririza kugikora. Gavumenti nebasa kumwikiririza kuhindura ebigambo by’omuri eyo ndagano kugira ngu omuntuwomunda weye amwikiririze kugikora.

Okuhindura ebigambo by’omundagano nibibasa kuba biri kubuganisa n’omusinge oguri omu Baroma 13:​1, oguri kugamba ngu: “Omuntu wena ayorobere abakama abari kutegeka.” Obwe rero Omukristo nabasa kusharamu kukora eyo ndahiro akuratize ekintu cona eki Ruhanga ari kushaba Abakristo kukora haba hatarimu enshobi yona.

Omuntuwomunda natuyamba twashabwa kukoresa ekintu ninga shi obumanyiso bw’omubiri omu kurahira . Abaroma n’ABasukuti b’omubwire bwa kare bakaba nibarahira bakwasire ahari zarurara zabo bari kushaba ba ruhanga wabo weby’entaro ngu abahe amani. Abagurika bo bakaba nibarahira batire omukono aha iguru. Ebyo bikaba nibyereka ku babire nibikiriza ku habire hariho Ruhanga oyine amani kandi ku yabire arije kubahana hagira owaremwa kuhikiriza eyo ndagano.

Ni amazima omuhereza wa Yehova tari kubasa kurahirira ekintu cona ekine akakwate n’okuramya kw’ebishuba. Konka shi okakora ki washabwa kuta omukono ahari Bibuli okarahira kuha obuhamya omu ishengero? Omuri obwo buryo eco nobasa kukikora ahakuba ebyahandikirwe nibigamba abesigwa b’omu bwire bwa kare abakozire endahiro bakoresize ebimanyiso by’omubiri. (Kut 24:​2, 3, 9; 47:​29-​31) Ogume oyijuke ku waza kurahira ori kuba wazakugambira omu misho ga Ruhanga ku waza kugamba amazima. Oshemerire kuba oyetebakanisize kugarukamu buri kibuzo eki barakubuze kandi okagamba amazima.

Ahakuba turi kureba obunywani obu twine na Yehova nk’obw’omuhendo, tushemerire kushaba kandi tukatekateka aha ndahiro eyi twaza kukora turebe ku eterije kushisha omuntuw’omunda witu ninga shi emisinge ya Bibuli. Washaramu kukora endahiro oshemerire kuyihikiriza.—⁠1 Pet 2:​12.