Tukuratize omu 1 Bakorinto 15:8, Pawulo akagamba ati: “Aha muheru gwa bona nanye yanyeyoreka ndi nk’omwana owazirwe obwire butakahikire.” Omu biro ebyahwire tukaba nitushoborora ku Pawulo yabire ari kugamba aha byamubireho obu obu yayorekirwe Yesu ari omu kitinisa c’omu iguru. Okaba noshusha ngu akaba ahirwe omugisha g’okuzarwa ninga shi kuzoka ari ekihangirwe c’omwika obwire butakahikire, hari kuburayo n’ebinyigana byingi mbere y’okuzoka kubaho. Konka ku twayeyongire kushwijuma eco cahandikirwe tukashanga tushemerire kuhinduramu.

Ni amazima Pawulo akaba ari kugamba aha byamubireho obu yahindukire. Konka shi ni enki eki yabire ari kwenda kumanyisa obu yagizire ngu “akazarwa obwire butakahikire”? Nabasa kuba yabire ari kumanyisa ebintu byingi.

Okuhinduka kweye kukamutungura kandi kwamuhahamura. Omwana ori kuzarwa obwire butakahikire akingi natungura abantu. Sawulo (owijire kumanywa nka Pawulo) akaba ari kuza Damasiko kugira ngu ahiganize Abakristo, kandi akaba atari kumanya ku yabire arije korekwa Yesu owabire yazokire. Okuhinduka kwa Pawulo tiwe kwatungwire kusha, ahobwe kukatungura n’Abakristo abu yabire ari kuza kuhiganisa. Nambwenu ebyamubireho bikamuhahamura byatuma yaba empumi akire kace.​—Byak 9:1-9, 17-19.

Akahinduka omu “bwire bubi.” Ekigambo c’Orugurika ekiri kuhindurwamu ngu “okizarwa obwire butakahikire” nambwenu nikibasa kuhindurwamu ngu “okuzarwa omu bwire bubi.” Obuhinduzi bumwe bwa Bibuli nibukigamba buti: “Ndi nk’owazirwe omu bwire obu hatine omuntu n’omwe owabire ari kukitecerezaho.”​—(The Jerusalem Bible.) Omu bwire obu Pawulo yahindukire, Yesu akaba yamazire kuza omu iguru. Pawulo tari nk’abantu abu yagambire omu nyiriri eziri kubandiriza oru, ahakuba we tararebire Yesu yamara kuzoka atakagire omu iguru. (1 Kor 15:4-8) Kuba Yesu yatungwire Pawulo akamweyoreka, akamuha ogo mugisha n’obu cabireho omu “bwire bubi.”

Akaba ari kweyorobwa. Tukuratize abanyabwenge bamwe, Pawulo nabasa kuba yabire ari kwenegura. Caba ari ko kiri, Pawulo akaba ari kumanyisa ku yabire atashemerire ogo mugisha ogu yahibwe. Akagamba ati: “Ahakuba nyorobize okukira ezindi ntumwa, kandi tinshemerire kwetwa entumwa, ahakuba nkahiiga ekibina ca Ruhanga. Konka ahabw’embabazi za Ruhanga ndi nk’oku ndi.”​—1 Kor 15:9, 10.

Obwe rero, Pawulo nabasa kuba yabire ari kumanyisa oburyo obutungurine obu Yesu yamweyorekire, oku yahindukire obwire butakahikire, ninga shi oku yabire atashemerire oko korekwa. Oku cakuba kiri konka, mazima Pawulo akaba nareba ebyamubireho nk’eby’omuhendo. Eco kikamuhamiza Atari kubanganisa ku Yesu yazokire. Tikiri kutugangaza kureba oku yagumire ari kugamba aha ku ebyo byamuhikireho omu buryo obutungurine obu yabire ari kuburira aha kuzoka kwa Yesu.​—Byak 22:6-11; 26:13-18.